E cabeynan dera (lana of vello), ta un condicion molestoso cu ta origina ora cu e foliculonan ta obstrui (nan ta plug), debi na un acumulacion excesivo di celnan morto.
Esaki ta impedi cu e cabey ta sali cu normalidad riba e superficie, y dado cu e ta crece paden, e ta produci un inflamacion chikito cu por haci dolor.
Nan sa ta comun cerca esnan cu cabey krul y diki, aunke tur por yega na sufri di esaki, por lo menos un biaha den nan bida.
Su aparicion ta un consecuencia di e depliacion, vooral ora cu nan ta uza nabaha of mashinnan pa feita.
Afortunadamente, e no ta representa un riesgo pa salud y aunke algun biaha e por infecta, e por wordo trata cu facilidad danki na algun remedi natural.
Den e siguiente espacio nos kier comparti 5 bon opcion pa bo no duda den aplica nan ora cu bo nota cu bo ta sufri di e problema aki.
Tuma nota.
1.Hariña di avena y yoghurt
Un exfoliante natural di avena y yoghurt por coregi e cabeynan dera sin causa iritacin of complicacion den e zona afecta.
Su propiedadnan ta remove e celnan morto reteni den e foliculo y poco poco ta facilita e extraccion di e cabey.
Ingrediente
1 cuchara di hariña di avena (10g)
3 cuchara di yoghurt natural (54g)
Preparacion
Ta incorpora e hariña di avena den un recipiente y meskl’e cu e yoghurt natural te ora obtene un pasta diki.
Modo di uzo
Ta extende e producto riba e zona afecta y freg’e cu movimientonan suave circular durante 3 of 5 minuut.
Despues, lag’e reposa 30 minuut adicional y hawa despues.
Uz’e durante 3 of 4 dia sigui.
2. Azeta di jojoba y sucu
Ora combina e productonan natural aki, nos ta obtene un remedi efectivo contra cabeynan cu ta crece bao di cuero.
Ambos ta haci e superficie di foliculo limpi y ora di destap’e, ta remove e cuero morto y ta controla e inflamacion.
Ingrediente
1 Cuchara di sucu na grano (12g)
2 cuchara di azeta di jojoba (30g)
Preparacion
Muha e sucu cu e cucharanan di e azeta di Jojoba y mescla nan pa haya un pasta granula.
Modo di uzo
Frega e producto riba e cabey dera y lag’e actua 20 minuut.
Haw’e cu awa lauw y ripiti su uzo durante 3 dia sigui.
3. Baking soda y lamunchi
Baking soda ta un exfoliante natural cu ta yuda nos haci e cuero limpi y repar’e. Su propiedadnan antibacteriano ta disminui e riesgo di infeccion y ta preveni complicacionnan den e areanan afecta pa e cabeynan aki.
Den e caso aki, nos ta propone su combinacion cu juice di lamunchi, un ingrediente cu ta yuda na regula e pH di e cuero pa acelera su recuperacion.
Esey si, e ta un producto di uzo exclusivo pa anochi, dado cu si e wordo exponi na solo e por ocasiona mancha.
Ingrediente
1 cuchara di baking soda (10g)
1 cuchara di juice di lamunchi (10ml)
Preparacion
Muha e baking soda cu e juice di lamunchi y sigura bo mes pa obtene un pasta diki.
Modo di uzo
Frega e exfoliante riba e areanan dera y lag’e actua 15 minuut.
Haw’e y uz’e 2 pa 3 biaha pa siman.
4. Thee preto
E propiedadnan antiinflamatorio di e thee preto por sirbi nos pa alivia e hinchason y e cora causa pa e cabeynan encarna.
Esaki ta contene un substancia conoci como acido tanico cu, riba e cuero, ta regula e pH y ta disminui e obstruccion di e foliculonan.
Ingrediente
1 cup di awa (250ml)
1 cuchara di thee preto (10g)
Preparacion
Pone e cup di awa herebe y agrega e thee preto
Lag’e reposa 5 minuut y filtr’e.
Modo di uzo
Pone un paña limpi den e bebida y pone riba e zona afecta pa e cabeyna aki.
Percura pa e likido ta mas cayente posibel y haci e tratamento durante 5 of 10 minuut.
Ripiti e procedimento tur dia te ora cu alivia e problema.
5. Koffie y honing
E restonan di koffie mula ta util pa prepara un exfoliante natural cu, ademas di elimina e piel morto, ta reduci di forma notabel e cabeynan encarna.
Su acidonan natural ta yuda mehora e circulacion y danki na esey, ta controla e inflamacion y grawatashi.
Ingrediente
1 cuchara di resto di koffie (10g)
2 cuchara di honing di abeha (50g)
Preparacion
Cobina e restonan di koffie cu un paar di cuchara di honig di abeha te ora cu obtene un pasta diki y granula.
Modo di uzo
Extende e producto riba e zonanan afecta y realisa massagenan suave circular.
Lag’e pa e actua 20 minuut y haw’e
Uz’e durante 2 pa 3 dia sigui.
Bo cabeynan dera ta molestiabo? Eligi algun di e remedinan casero aki y bisa ayo na e incomodo problema aki cu ta afecta e beyesa di bo cuero.
Fuente: https://mejorconsalud.com