Diasabra awor dia 21 di januari 2017 lo tuma luga e famoso eleccion di reina di Noord caminda un biaha mas nos lo eligi e reina infantil pa nos districto. Manera ta custumber e eleccion ta tuma luga na Centro di Bario Noord y ya pa 6’or di atardi e portanan ta habri pa un y tur cu ta desea di bin apoya un candidata of bin pa presencia e unico eleccion di reina di un districto cu anualmente ta tuma luga. Entrada lo ta unicamente 5 florin (en general).
Semper ta reina un ambiente tremendo durante e actividad bunita aki caminda hopi creatividad ta ser demostra. Un eleccion di reina cu a keda existi pa e solo echo cu a crea un plataforma cu ta haci posibel cu tur mucha por participa door di mantene e budget pa participa mas abou posibel. Enfoke ta pa e muchanan gosa y pasa dushi riba stage.
Tur aña e eleccion tin un tema y e aña aki e tema ta ‘little designers’. En total tin 5 candidata pa reina infantil. Mirando cu ta un candidata so a registra pa Princesita Noord, durante e anochi aki lo corona nos Princesita Noord 2017.
Directiva di Centro di Bario Noord ta invita pueblo henter pa bin presencia e bunita eleccion di reina di nos dushi districto di Noord. Di awor caba corda registra dia 4 di Februari den boso agenda pa bin gosa di nos dushi carnaval. Carnaval ta un temporada masha dushi, laga nos gose sanamente!
E aña aki Centro di Bario Noord ta celebra su di 52 Carnaval