RIO DE JANEIRO, Brazil- Un aña pasa, Rio de Janeiro tabata blof di a organisa e prome Weganan Olimpico di Suramerica. Awe, e ta un ciudad militarisa, marca pa violencia y algun di e promotornan di e candidatura sea ta preso of ta wordo procesa pa corupcion.
Un aña despues di e fiesta Olimpico, e Brazileronan ainda nos a cual ta e balansa di e Weganan Olimpico, ya cu e autoridadnan encarga di divulga e gastonan a cera nan actividadnan sin entrega e informe over di Rio 2016.
Ni sikiera tin confirmacion tocante e inversionnan, cu medionan local ta calcula di tabata entre 13 y 20 miyon dollar, aunke e Cariocanan tin e siguransa di cu e promesanan no a wordo cumplo y cu e proyecto Olimpico no a transforma e ciudad.
Awe, Rio un biaha mas ta wordo domina pa violencia, militarisa, cu 10 mil soldat ariba caya y hogando den un crisis economico te na e punto di no por cumpli cu pagonan di e salario di e funcionarionan publico, incluyendo esun di e polisnan.
E instalacionnan olimpico ta bandona, nan ta den un estado di deterioro y no a wordo destina pa uzonan alternativo, manera palabra.
E negligencia a alcanse e edificionan construi cual a wordo priminti di cu nan lo wordo transforma den scolnan publico, pero cual ainda ta bandona, supuestamente pa falta di presupuesto.
Sospechonan di corupcion cu for di comienso a mancha e candidatura di Rio parce di ta confirma despues di e revelacionnan destapa recientemente pa e corant Le Monde. Ta trata aki di e supuesto pago di soborno di por lo menos 1.5 miyon dollar pa logra trece e candidatura di e Olimpiada pa Brazil.
Den e ultimo lunanan, e Brazileronan a descubri tambe cu miyones di dollar destina pa e instalacion olimpico, pa drecha e stadion di Maracana, pa infrastructura y mehora di e favelanan a bay den saco di politico-, funcionario- y empresarionan corupto.
Ex- presidente Luiz Inacio Lula da Silva, e gran promotor di e eleccion di Rio 2016, cu no por a contene su lagrimanan ora cu a anuncia e victoria di e candidatura, awe ta sirbiendo un condena di prizon di nuebe aña y mei pa corupcion.
E gobernador di Rio e tempo ey, Sergio Cabral ta den prizon, acusa di, entre otro, di horta recursonan publico destina pa obranan den e favelanan dor di e Olimpiada y ex- alcalde di e ciudad Eduardo Paes, cu a bandona e cargo na comienso di aña ta wordo investiga pa presunto soborno.
Un di e colaboradornan mas cerca di Paes, Alexandre Pinto, ex secretario di Obra di e ciudad y responsabel di gran parti di e transformacionnan prome cu Rio 2016, a wordo deteni dia 3 di Augustus, acusa di a acepta 2.3 miyon dollar na soborno.
Carlos Nuzman, presidente di e comite organizado di Río 2016, probechando di su experiencia di Rio 2016 pa tuma presidencia over di e Organisacion Deportivo Panamerican, pero el a fracasa.
E tabata conta cu e apoyo di Thomas Bach, presidente di Comite Olímpico Internacional (COI), cu a pidi pasenshi pa valora e “legado” di Rio 2016.
Pero pa e Brazileronan no tin mucho mas pa spera. Turismo cu ta un fuente principal di ingreso den e ciudad a bin abao, desempleo a crece cu casi 50% y e cantidad di morto violento ta supera 15 pa dia na Rio.
“Nos ta pagando caba e legado olimpico”, segun un empleado domestico y bisiña di un favela cerca di e instalacionnan di Rio 2106.
Fuente: http://www.noticel.com