Haci ehercicio diario, bebe vitamina D, a trabes di e dosis diario di calcio y tuma un zonnebad pa solamnete 15 minuut pa dia, como tambe hiba un dieta balansa, ta factornan cu ta yuda preveni osteoporosis. Esaki ta según e dokter Leonel Nieto Lucio, hefe di e Servicio di Cirugia di Heup di e Hospital di Traumatologia y Ortopedia di Magdalena de las Salinas di e Instituto Mexicano del Seguro Social (IMSS)
E experto den traumatologi a precisa cu e paso di tempo y e escasez di consumo di calcio ta haci cu e weso ta bira mas fini y mas fragil. Door di esaki e resistencia mecanica di e forsa y tension cu ta soporta e organismo ta menor, cual ta aumenta e riesgo di sufri fracturanan.
E consumo di tabaco y alcohol, estatura abao, menopausa prematuro, desde 45 aña y un peso abao, tambe por provoca osteoporosis. Muhenan ta esunnan cu ta wordo mas afecta: pa cada tres, un homber ta padece di e malesa aki. Nieto Lucio a indica cu e calcium por wordo haay den lechi, keshi, tortilla y pan. El a afirma cu un caminata di 20 minuut pa dia por yuda preveni e malesa y/o haci ehercicio di pesa pa haya musculo y pa no perde e densidad den e wesonan.
Osteoporosis ta mas comun den e heup y tambe den e weso di lomba.