Pa un di e docente cu a tuma e curso aki, Sr. Wendell Larmonie di St. Paulus School a splica mas di e desaroyonan cu ta biba awendia bou di nos studiantena pa cu e tema aki cu sigur ta un problema social.
Muchanan di awendia, e informacion ta yega hopi lihe den nan man. Nan ta google algo y nan no ta haya e informacion di cos e cos mester ta. E informacion cu e docente ta duna nan, ta bisa nan bon cla, kico ta kico. Ora cu nan bay scol secundario, nan ta bon educa pa evita cu cos ta bay robes cu nan.
Como maestro di scol, bo ta educa en general. Tarea di un educador, educacion sexual awendia ta esencial. Ainda hopi hende ta di opinion, cu ta di cas, e educacion aki mester bin. Pero si un profesional, tin e informacion mas cla, ta trece esaki dilanti na e muchanan, yudando e mayornan, cu ora e mucha bay scol secundario nan ta wak cierto cosnan cu nan sa cu hey, na scol basico nan a siña cierto cosnan y nan ta mas habri pa compronde esey.
E problemanan social ta un reto grandi pa un docente, y eseynan ta hopi. Jammer genoeg, cu e ultimo generacion ta maak mee hopi problema social. Como docente, bo no por kita cara pa esey ya cu mester prepara e mucha na tur sorto di manera. Como parti social tambe, e educador mester hinca su mes den esey. Ta tende di muchanan hopi jong cu ta sali na estado. Ta splica e muchanan aki, kico por y kico no por. Na final di dia, ta tarea di un educador pa educa e muchan mas amplio posibel.
Tin mayornan cu ta pensa cu nan yiunan ta mucho jong, pa haya sa cierto informacionnan. Pero awendia e muchanan ta expone na informacionnan cu ta haci e mucha hopi curioso. Na tur scol basico, cuminsa den vijfde y zesde klas, prepara e muchan ampliamente ariba esaki. E muchan tin confianza caba cu e maestro y e ta compronde mas lihe, kico e por y kico e no por haci.