Di parti di SADA lo bay tene un reunion cu su miembronan diabierna mainta pa asina wak kico lo sali afor y tambe kico lo bay ta desicion di aduanenan segun Eduard Maduro, presidente di e sindicato.
Pa locual ta trata e reogranisacion di Douane, cu ta andando desde 2013, a laga los for di SIAD y desde e tempo ey e reorganisacion a cuminsa. Pero ta mira cu te dia di awe nada no ta sosodiendo pa loke ta trata e coleganan, esta pa e Cuerpo.
A ripara si cu den hogere kader, esta e hefenan y director hasta, den nan situacion no tin luga di un director, pero un hoofd inspecteur cual ta un hoofd van dienst. Pero premirando cu ta bay haci un reorganisatie, Gobierno a dicidi di pone un director pa dirigi e Cuerpo. Ta wak cu 2016 ta pasando, ta bayendo casi 4 aña caba den e loskoppeling unda cu nada no ta sosodiendo y akinan ta caminda cu e coleganan a haci uzo di nan derecho y a acerca SADA pa un reunion extra ordinario cu a tuma luga diamars anochi ultimo unda cu nan a pidi SADA pa duna un update pa loke ta e reorganisatie, unda cu a splica nan cu te awor aki, pa e parti di SADA nada no ta sosodiendo. No ta mira ningun werkgroep cu mester a cuminsa for di 2014, nada no a start ainda y ta sinti cu esaki por ta haci per express. Si nada no sosode den e lunanan venidero, por bisa cu atrobe 2017 lo bay pasa sin cu nada sosode. E coleganan a cuminsa cansa di e parti aki y mas ainda ora a sali na cla, ora cu director den e ultimo reunion a duna di conoce cu minister lo a notifik’e cu e organisacion lo ta budget neutral, unda cu esaki bira mas preocupante pa e sindicato y ora cu e miembronan a haya sa di esaki, a sinta nan di dwars. Pesey a yama e reunion y a splica nan di e asunto y a tuma cierto decisionnan y un di nan cu lo bay sosode diabierna mainta, cual lo presenta un carta cu a wordo hinca den otro pa e miembronan y entrega pa 9’or na Minister Bermudez, pa asina pone e standpunt pa loke ta trata e reorganisacion akinan. Tin cu bisa cu e coleganan a fada di warda, nan no kier tende mas di warda y nan kier wak cosnan cuminsa cana. E reorganisacion mester cuminsa cana, no solamente den palabra, sino den hechos. A keda di reuni riba e plenchi pazuid di gabinete di Gobernador, pa hunto cu tur e coleganan cana bay bestuurskantoor pa asina haci entrega di e carta na minister Bermudez.