Ing. Marlon Croes di DOW ta splica e motibo tras di e decision cu nan basha abou Colegio Frere Bonifacius.
Colegio Frere Bonifacius ta un scol cu algun aña pasa a wordo cera pa salud y seguridad di e alumnonan y e docentenan. E alumnonan a wordo pasa pa un edificio cu ta den huur cerca Gobierno. Diferente plan a wordo traha entre e periodo ey y awor. Den e comienso di aña aki, a sinta hunto cu Directie Onderwijs pa elabora tocante e problematica di e mal condicionnan di cierto scolnan na Aruba.
Sr. Croes ta splica cu Colegio Frere Bonifacius ta un di e scolnan cu tabata den hopi mal estado y e edificio no tabata apto mas pa duna les aden sin riesga e seguridad di e alumnonan y e docentenan. A base di esaki, a conseha e mandatarionan concerni pa tuma e decision pa basha e edificio abou y bin cu un edificio nobo. Trabounan pa cu esaki a cuminsa desde diabierna caba y ta calcula cu trabounan lo ta cla pa fin di siman
venidero.