YAKARTA, Indonesia- E edificio di Bolsa di Balor di Indonesia a wordo evacua despues di cu’n piso a bin abao, cu consecuencia di posibel victimanan fatal. Decenas di persona a resulta herida pa e incidente, cu a tuma luga den e capital di Yakarta.
“E cantidad di herido pa e derumbe di e Bolsa di Balor di Indonesia di 75”, segun e vocero di e polis nacional, Setyo Wasisto a informa na AFP.
“Tur e miembronan di e Bolsa di Balor a wordo localisa y ta seguro. E sistema bursatil no a wordo afecta”, segun e hefe di e bolsa, Tito Sulistio, cu a confirma cu no tabata tin morto.
Potretnan cu ta circula online ta mustra personanan tira abao na suela, presuntamente herida door di e incidente. Den otro imagennan por wak escombronan den e edificio di e Bolsa.
Según informenan, e structura cu a cay aden ta di un balcon den e interior di e prome piso, cerca di e entrada di e edificio, cu presuntamente tabata forma parti di un cafeteria.
Di otro banda, Friderica Widyasari Dewi, directora ehecutivo di Deposito Central di Balores di Indonesia , cu tin su sede den e edificio, a indica cu e situacion “ainda no ta cla” y cu tin un cantidad di empleadonan no specifica cu te ainda ta desapareci.
Fuente: https://actualidad.rt.com