Minister Plenipotenciario, Sr. Guilfred Besaril, a elabora ariba e retonan cu el a encontra na Hulanda, pa loke ta e edificio di Arubahuis.
Sr. Guilfred Besaril a conta di e situacion deplorabel cu el a haya e edificio di Arubahuis aden. El a encontra un rapport traha recientemente, pa un bureau di arkitecto particular na Hulanda, cu a haci un sondeo extenso di e situacion alarmante cu el a encontra Arubahuis den dje. Tin diferente oficinanan cu tin schimmels. Tin diferente situacion cu eigenlijk cu no por ta asina.
Loke ta e piso abao di Arubahuis, e tapijt tin mas di diez aña, ariba e di dos piso, e tapijt tin mas di 15 aña. Como herederonan di Betico Croes, nos libertador, bo ta mira cu e mueblenan cu tin den e Betico Zaal, ta practicamente di tempo cu Arubahuis a muda, na 1987-1989. Ta mira tambe cu p.e. tin diferente di e kozijnnan cu a cuminsa putri. Ta mira cu e parti paden di Arubahuis, mester di atencion, di inmediato. E ta bin cu e mision di sinta den ministerraad, pa asina busca un solucion, a corto plaso pa loke ta e Arubahuis y tambe a largo plazo pa loke ta e significacion pa e edificio fisico di Arubahuis, pa no solamente esun cu ta biba na Hulanda.
No lubida cu Arubahuis ta cara di Aruba den exterior. Ta ricibi bishita di mandatarionan, di hasta directornan top cu lo bo kier trece Aruba pa e desaroyo economico di nos pais. Y no ta husto cu loke nan ta bin topa cun’e, den e siman cu e tabata na Hulanda.