Retonan den Cuerpo Policial ta grandi y mester sigui bay padilanti. E union ta conta y tambe ta purba pa tin un miho comunicacion. Sr. Edgar Maduro di SPA ta amplia.
E comunicacion entre SPA y e otro partidonan ta drechando, tanto cu gobierno y Cuerpo Policial. E cambionan tey caba, pero poco poco ta bin mas, segun Sr. Maduro.
E falta di personal tin atencion di KPA y den gobierno en general. A splica esaki na Cuerpo tambe, ya cu pa sigui upgrade, lo mester di mas hende.
SPA a cuminsa cu diferente afspraaknan over di cu nan kier ta mas envolvi den e desicionnan, duna e informacion paso pa cuminsa mester drecha e comunicacion entre SPA y e hefenan, y cu gobierno. Si ta di duna conseho SPA lo duna conseho tambe.
SPA ta purba di crea un bon amistad y un bon comunicacion pa sigui bay dilanti. Por ultimo Sr. Maduro a bisa cu nan ta bezig cu diferente problemanan, tanto chikito y grandi. E comunicacion a drecha y nan kier sigui cu esaki. Despues lo tin un reunion general, unda lo splica cada punto di preocupacion pa splica kico ta e situacion y kico a wordo resolvi caba.