Ta di suma importante pa tur hende pa na ta sinti nan mes bon y cu nan por move bon. Dus cabes y curpa ta forma un solo unidad. Si personanan tin problemanan cu salud, esey kiermen cu e curpa toch no ta den condicion optimal.
Hopi hende ta di opinion, cu despues di 70 aña no mester haci nada mas. Segun Sr. Servaas, al contrario ta sumamente importante, pa keda den movecion. Como hende di mas edad, tin e pensamento di bay mas poco poco, y tuma tur cos na un manera mas trankilo. No ta importa di edad bo tin, bo mester por keda den movecion.
Cu e Mobilising Awareness y e curso cu Sr. Servaas lo duna aki nan Aruba, esaki lo siña e persona con pa traha un rutina di ehercicio, con pa bo los bo curpa for di otro. E curso aki ta hopi importante, vooral pa personanan di edad avansa. Si bo sa con pa haci bo ehercicionan di rutina, mas grandi bo bira, ta mas saludabel bo lo bira y bo lo por biba un bida mas independiente.