SUNNYVALE, California – Verizon Communications Inc ta cerca di yega na un acuerdo revisa pa cumpra e negoshi principal di internet di Yahoo Inc di entre 250 y 350 miyon di dollar menos cu e prijs original di 4830 miyon di dollar, un fuente cu conocemento di e tema a bisa.
Desde aña pasa, Verizon tabata purbando di persuadi Yahoo pa nan cambia e terminonan di acuerdo di adkisicion pa e refleha e daña economico di dos atake informatico.
Otro persona familiarisa cu e situacion, a bisa cu e recorte di balor lo ta di 250 miyon di dollar, cifra cu Bloomberg lo a reporta mas tempran diaranson.
Yahoo y Verizon no ta responde di inmediato na pedidonan di comentario.
Verizon ta spera di combina e activonan di buskeda, email y mensaheria den realtime di Yahoo, mescos cu hermentnan tecnologico di publicidad, cu su unidad AOL, cual a cumpra na 2015 pa 4400 miyon di dollar.
Verizon tabata buscando fuentenan nobo di ingreso den videonan mobil y publicidad pafo di e mercado di e telefonia inalambrico.
Yahoo, cu sede na Sunnyvale, California, tabata e centro di e escena desde cu a divulga e mayor vulneracion di datonan conoci di historia.
Pa 4’or y 55 di atardi, e accionnan di Yahoo a subi un 1.26 porciento na 45.60 dollar, mientras cu esunnan di Verizon a perde un 0.72 porciento na 47.92 dollar.
Fuente: Reuters