NEW YORK, New York – Con Donald Trump por afirma cu el a perde casi mil miyon di dollar den declaracionnan di impuesto na 1995 y sigui parece asina rico? E no ta mucho straño manera cu e ta parce.
Asina aki e cos ta. Codigo fiscal di Merca ta faborece empresarionan rico manera Trump, specialmente esnan dedica na Real Estate. Su fuentenan di ingreso y su inversionnan ta asina vasto y diverso compara cu mayoria di otro hende. Mescos cu e exencionnan di impuesto.
Cu e diferencia di e suheto promedio, “e piscanan grandi tin hopi flexibilidad, tanto pa reclama cumplimento con pa uzanan den loke e ta preera,” abogado fiscal Steven Rosenthal, miembro di Tax Policy Center, un centro di estudio specialisa den impuesto.
Trump ta custuma na structura su negoshinan como corporacionnan di responsbilidadnan limita y sociedadnan limita y e normanan cu ta rigi e tipo di structuranan aki a dun’e hopi bentaha a lo largo di hopi aña.
Por ehempel, mientra e ta mantene en operacion cualkier negoshi, e por uza su perdidanan como contrapeso di e ganashi di e otro negoshinan, manera e regalianan pa su bukinan of e derecho pa e uzo di e marca Trump.
Loke ta mas, e empresanan di Trump y otro negoshinan tin permiti pa continua cu nan perdidanan operativo neto entre 15 y 20 aña, e experto riba impuesto riba Real Estate, Richard Lipton, a bisa.
E paraiso di añanan 90
Decada di 1990 tabata un momento notablemente dushi pa desaroyadornan di Real Estate, Lipton a señala.
No ta cla con of ki tempo Trump a genera e perdidanan pa 916 miyon di dollar cu ta aparece den su declaracion fiscla di 1995, documento cu New York Times a obtene. Pero leynan di e epoca a permiti desaroyadornan manera Trump traha hopi placa, asina mes den un proyecto di Real Estate a faya y tur esaki sin incuri den riesgonan fiscal grandi.
Laga nos bisa cu und esaroyado a pone un miyon di dollar di su propio placa y obtene un prestamo di 99 miyon mas pa cumpra y desaroya un propiedad atrabes di un entidad legal caminda e ta e socio principal.
Fuente: CNNMoney