WASHINGTON D.C., Merca – Merca ta alehando for di e escena economico mundial, habriendo caminda pa China adopta un papel di liderasgo y uno di sosten pa Rusia.
E decision di Donald Trump pa retira for di e Asociacion Trans Pacifico (TPP), un acuerdo comercial controvertido, no a wordo tuma bon pa lidernan mundial.
“TPP sin Merca no tin sentido,” E prome minister di Hapon, Shinzo Abe, a bisa.
Otronan tin un otro mensahe: Nos lo sigui sin bo y cera aliansa cu otro nacionnan.
“Un otro acuerdo por tuma su luga, pero no cu participacion di Merca,” Presidente di Peru, Pablo Pedro Kuczynski a bisa un medio di comunicacion estatal di Rusia, RT, dia 11 di November. “Esaki lo inclui China y Rusia tambe.”
Comercio ta un prioridad pa hopi lider mundial, specialmente Kuczynski. Siman pasa, e tabata anfitrion di e conferencia di APEC, un cumbre comercial cu a atrae presidente Obama y presidente di China, Xi Jinping, hunto cu e lidernan di America Latina y Asia Pacifico.
Un dia despues cu APEC a caba, Trump a anuncia cu e lo retira di TPP e dia cu e yega den Cas Blanco. Esey no a bay bon cu e 21 lidernan mundial di APEC.
“Nos ta reafirma nos compromiso pa mantene nos mercadonan habri y lucha contra tur forma di proteccionismo,” e lidernan a bisa den un declaracion conhunto.
Mientras Merca, bao di un lider, ta retracta riba con pa haci negoshi cu otro nacionnan, China y Rusia ta aparece di ta cla pa yena e bashi. China ya caba ta pushando su propio acuerdo comercial conoci como e Asociacion Economico Regional (RCEP). E ta inclui hopi pais manera Hapon y Australia, cu tabata den TPP.
Si RCEP tin exito, China lo ta den un posicion mas fuerte pa dirigi un area di comercio liber mas grandi den futuro. Ya na Asia, algun pais manera Filipinas, ta aliniando cu China.
Funcionarionan Chines tambe ta dunando bon bini na nacionnan Latino Americano na RCEP, un claro pikimento di sushi di TPP.
Y e tin sentido. China, hasta Rusia, ya ta competiendo pa kita e influencia Mericano for di Latino America, un region, una bes considera e cura patras di Merca, segun expertonan.
China y Rusia a haci inversionnan importante na Latino America den e ultimo añanan.
E banconan estatal di China a inverti 120 biyon di dollar den inversionnan na America Latina desde 2005, di acuerdo cu e Dialogo Inter Americano, un centro di estudio na Washington. Desde 2008, Rusia a manda armanan di uzo militar pa Venezuela, Brasil y Bolivia, entre otro paisnan, mientras den corta un acuerdo di explorarion petrolero cu Mexico, segun R. Evan Ellis, un profesor di estudionan Latino Americano den e Scol di Guera di Ehercito di Merca.
Apesar di e creciente vinculonan di China cu America Latina, tabata instabil tin biaha, e retirada di Trump for di TPP por suavisa esaki.
E caminda pa recore ainda no ta mucho cla, pero e resto di nacionnan di TPP ta dispuesto pa fortalece e lasonan comercial sin Merca.
“Dañonan concreto na interesnan di Merca a wordo haci,” Eric Farnsworth, vice presidente di e Conseho di Americas, a bida na referencia na e dos acuerdonan comercial centra na Asia: RCEP y e Area di Liber Comercio di Asia y Pacifico (FTAAP), otro potencial acuerdo comercial cu lo inclui paisnan di America Latina, zuidoost di Asia y Australia.
“E retiro di Merca for di TPP a supla un bida bek den e” ofertanan ey, Farnsworth a bisa, kende a atende e reunion di APEC na Lima, Peru.
Fuente: CNNMoney