DUBAI, Emiratonan Arabe Uni – Un hamburger a wordo bendi den un subasta di caridad na Dubai… pa 10 mil dollar.
Asma al Fahim, fundado di e revista di estilo di bida Villa 88, tabata e ganado di esaki pa e hamburger gigante, cu ta contene shete pida carni (uno pa cada emirato di e Emiratonan Arabe Uni), keshi cheddar y bacon.
E cuminda a wordo prepara pa Russell Impiazzi, director culinario di le Gourmet den e Galerianan Lafayette di Dubai y pa e miembro di e famia real Qatari Sheikh Mohammed bin Abdullah al Thani.
“Dos aña pasa nos a kibra e record den bende un hamburger pa 7 mil dollar y e aña aki nos kier a pas’e,” al Thani a bisa den un comunicado. “Tur loke a wordo recauda lo ta destina pa preveni cancer na pecho y programanan di deteccion den etapa tempran.”
E subasta a wordo realisa pa Pink Caravan, cu ta haci campaña pa preveni cancer di pecho. Al Fahim a bisa cu e kier apoya un bon causa na honor di e ex director di e proyecto, kende a fayece aña pasa den un candela.
E hamburger costoso aki tabata un di e cuatronan subasta, hunto cu otro platonan. E evento a recauda 29.633 dollar.
Fuente: http://expansion.mx