SILICONE VALLEY, Merca – E benta di Facebook a yega un record nobo den e di tres trimester di e aña aki, pero e exito parce ta cayendo.
E director financiero di e gigante di internet, David Wehner, a tene e cabey di inversionistanan para ora cu el a revela durante un conferencia cu e compania ta tumando medidanan “agresivo di inversion” pa enfrenta e posibel desaceleracion den e crecemento di su bentanan durante 2017. E anuncio a sosode despues cu e informe trimestral a sali di e compania, riba su ganashinan.
“Nos ta spera cu e tasa di ingreso pa publicidad lo reduci di manera significativo,” Wehner a afirma.
E rason: Facebook ta spera cu e crecemento ta menor den e “carga di anuncio,” es decir e cantidad di publicidad cu por mustra na su usuarionan.
E ingresonan di Facebook a subi na 7 mil miyon di dollar den e trimester di September, un 59% mas den comparacion cu e mesun periodo di e aña anterior. Di hecho, e bentanan di Facebook na e momentonan aki ta casi asina grandi manera cu el a obtene ganashi durante henter 2013.
E impresionante crecemento di benta cu Facebook, tabata parti pa e migracion cu a haci e plataforma bende anuncionan riba smartphones y tablets. Tanto asina cu e publicidad pa mobil a representa 84% di e ingresonan global di Facebook por medio di anuncio, ora cu na mediado di 2012, e modalidad aki tabata practicamente nulo.
Fuente: CNN Money