LONDON, Inglatera – Dollar a cay dialuna riba un minimo di cuater luna contra un canasta di divisa pa e dudanan riba e posibilidadnan cu e gasto fiscal di Merca lo subi, despues cu Donald Trump no a logra e apoyo pa impulsa un reforma riba e ley di salud.
E incapacidad di presidente Trump di cumpli cu un di su promesanan principal di campañata un gran “backdrop” pa un presidente Republicano, cual propio partido ta controla Congreso y ta genera duda riba e cumplimento di e rebaho di impuesto y gasto den infrastructura cu el a priminti.
Pa 12’or y 10 di merdia, e indice di dollar, cu ta midi e moneda contra un canasta di seis divisa principal, a cay un 0.67 porciento pa 98.958, operando bao di 99.00 pa prome biaha desde 1 di November.
E indice a subi na un maximo di 14 aña cerca di 104.00 na comienso di Januari, ora cu e expectativanan pa e estimulonan economico na Merca cu lo aviva e inflacion, tabata riba su punto di mas halto.
Euro a gana un 0.82 porciento riba 1.0885 dollar. Contra e Yen, e divisa Mericano a perde un 1.07 porciento riba 110.14 unidad.
Algun analista a calcula, no obstante, cu e inversionistanan lo por tabata mirando di forma eroneo e derota legislativo di Trump, door di lig’e cu nan posibilidadnan di promove nan agenda economico.
“Nos ta pensa cu ta eroneo liga e iniciativa legislativo aki, cu tabata particularmente dificil,” Tom Porcelli a bisa, kende ta economista di RBC Capital Markets. “En realidad, presenta un escenario caminda cu potencialmente por acelera e reforma tributario.”
Fuente: Reuters