ZURICH, Suisa – E desaster y catastrofenan natural cu a sosode na 2016, a provoca daño na balor di 175 mil dollar, e dobel compara cu 2016 (94 mil miyon), segun e estudio anual Sigma, publica diamars pa e reasegurado Suiso, Swiss Re.
Di e suma aki, 54 mil miyon a core na cargo di seguronan, es decir, un 42% mas cu na 2015, Swiss Re a agrega den un comunicado publica na Zurich.
Na 2016, e catastrofenan tabata no obstante menos mortal, cu 11 mil victima compara cu mas di 26 mil na 2015,
E costo ta finalmente superior na e calculacion di December di 2016 di Swiss Re, evalua na 158 mil miyon di dollar.
Aña 2016 tabata esun mas costoso den materia di dañonan economico relaciona cu catastrofenan desde 2012, Swiss Re a destaca. Esaki ta splica pa e gran cantidad di acontecimentonan catastrofico importante, incluyendo teremoto, tormenta, inundacion y incendionan forestal” den tur e regionnan di mundo.
E compania Suiso a registra 327 catastrofe rond mundo, 191 di cual a wordo provoca pa naturalesa y 136 pa hende.
Asia tabata e region mas afecta pa e catastrofenan, cu 128 episodio registra.
E teremoto cu a golpia e isla Hapones di Kyushu na April di 2016 a provoca dañonan ecnomico mas eleva, calcula entre 25 mil y 30 mil miyon di dollar.
E teremotonan tambe a sacudi hopi otro pais, manera Ecuador na April ultimo. E temblor a caba cu bida di 673 persona y a causa perdida economico pa e balor di 4 mil miyon di dollar, solamente 500 mil dollar di cual tabata sigura.
Segun Kurt Karl, economista hefe di Swiss Re, “algun region a sali miho para, danki na un bon cobertura.”
E mita di e aseguradonan na 2016 tabata na Nort America, afecta pa tormentanan violento, pero unda cu e hogarnan tabata bon sigura en general. E hagel di April na texas, tabata esun di mas costoso pa e seguronan.
Casi 86% di e dañonan, es decir 3000 di e 3500 miyon di dollar, tabata sigura.
Incendionan forestal di Canada na Mei y Juni di 2016 tambe tabata cubri den su mayoria, pues 2800 di e 4000 miyon di dollar den daño tabata sigura.
En cambio unicamente 20% di e perdianan ocasiona pa e teremoto Hapones di April, a conta cu e cobertura.
Horcan Matthew tabata e catastrofe mas mortal: 700 persona a muri, principalmente na Haiti.
E horcan, cu a sosode na October di 2016, a causa 12 mil miyon di dollar den daño, 4000 miyon di cual a wordo cubri pa e seguronan.
Inundacionnan tambe a causa dañonan importante. Na China, esunnan cu a sosode na e rand di riu Yangtse Juli ultimo, a laga 22 mil miyon di dollar den costo, convirtiendo e inundacionnan aki den esunnan di mas costoso di e pais desde 1998.
Sin embargo, e seguronan solamente a cubri rond di 400 mil dollar di e perdidanan aki.
Di un otro banda, di e 4 mil miyon di dollar, causa pa e inundacionnan na Europa na Mei y Juni, 2900 miyon tabata sigura.
Fuente: El Espectador