NEW YORK CITY, New York – Cuminda abordo ta di regreso riba Delta.
Pronto, e aerolinea lo cuminsa ofrece cuminda gratis na pasaheronan den e cabina pricipal di algun di e vuelonan cu ta atravesa Merca.
E cumindanan abordo lo cuminsa ofrece entrante dia 1 di Maart riba e vuelonan entre Aeropuerto JFK di New York y e ciudadnan di Los Angeles y San Francisco.
E beneficio lo extende, dia 24 di April, na e otro vuelonan cu ta bay di costa pa costa, incluyendo e rutanan Boston-San Francisco y Boston-Los Angeles y esunnan cu ta bay di Aeropuerto Nacional Reagan di Washington pa Los Angeles y di Seattle pa Orlando y Aeropuerto Internacional Raley-Durham, na North Carolina.
E cumindanan lo varia segun e temponan di vuelo y e pasaheronan por scoge entre un menu cu diferente opcion.
Delta ta sigura cu e ta e unico aerolinea di Merca cu ta ofrece cuminda gratis den algun vuelo transcontinental.
E cumindanan ta varia segun e temponan di vuelo y e pasaheronan por scoge entre un menu cu diferente opcion. Por ehempel, esunnan cu ta bula mainta por eligi pa desayuna un sandwich, un combo of un plato di fruta y keshi. E pasaheronan cu ta bula durante dia lo tin como opcion un combo cu smoked turkey y leguminoso, un wrap mediteraneo integral y vegetariano of un plato di fruta y keshi.
“Nos tur lo haci cu e experiencia pa nos clientenan den e cabina principal ta lo miho cu por tin y como parti di e experiencia ey nos ta ofrece cumindanan di calidad halto y gratis,” Allison Ausband, vicepresidente di cuminda abordo di Delta, a bisa, den un comunicado di prensa diahuebs.
Aña pasa, e aerolinea cu sede na Atlanta, a purba ofrece cumindanan riba e vuelonan entre Aeropuerto JFK y e aeropuertonan di Los Angeles y San Francisco.
E pasaheronan cu ta bula den Delta Comfort+ lo obtene mas beneficio: un macutu di pasabocanan prome cu yega y bebidanan alcoholico gratuito.
E aerolineanan a fortalece nan servicio abordo pa atrae mas pasahero. E prijsnan abao di petroleo a permiti nan expande nan ofertanan den e ultimo añanan, loke a genera mayor competencia.
Na Juni ultimo, Delta a anuncia cu nan lo ofrece nan servicio di entretenimento abordo y American Airlines a haci nan movida similar na Augustus.
Fuente: CNNMoney