WASHINGTON, Merca – Boeing a finalisa su acuerdo pa bende 80 avion na Iran Air, apesar di oposicion for di hopi legislador, incluyendo e presidente electo, Donald Trump.
Iran Air lo ta hayando 50 avion 737 y 30 avion 777, e prome di cual lo wordo entrega na 2018. E deal a wordo oficinalmente firma na Juni.
E balor total ta di 16.6 biyon dollar – te asina leu, esun di mas grandi entre Merca y negoshinan Irani desde e revolucion di 1979, cual a clausura relacionnan normalisa entre e paisnan.
E benta tabata posibel door di e sancionnan economico cu a wordo lanta door di e administracion Obama riba Iran na September. Un poco despues cu e acuerdo a wordo firma, e Departamento di Tesoreria a aproba e entrega di avionnan di pasahero Boeing (BA) y Airbus na Iran.
Boeing tabata tin mester un aprobacion special pa sigura cu Iran no uza e avionnan pa propositonan militar.
Fuente: CNNMoney