LONDON, Inglatera – JP Morgan a mantene aña pasa den lo mas halto riba e tabla cu ta midi e operacionnan di banco di inversion na nivel global, un ranking caminda cu awo e cinco prome luganan ta den man di e prestamistannan Mericano, loke ta refleha e dominio riba su paarnan Europeo.
E ingresonan di JP Morgan door di intermediacion, fusion y adkisicion y otro actividadnan di banco di inversion, a crece un 11 porciento na 25.200 miyon di dollar aña pasa, frente na e 22.700 miyo di dollar di 2015, segun e firma di analisis di e industria Coalition.
E fuerte aumento aki a wordo mira refleha pa e banco Mericano Citi, cu a subi den e clasificacion general desde e tercer pa e di dos luga, cu un rendimento cu a supera cu crecemento na e caida promedio di 3 porciento di e 12 banconan analisa.
JP Morgan a mantene su corona den operacionnan di interes fiho, divisa y materianan prima (FICC).
Tambe el a ocupa e dos prome puestonan den casi tur e shete categorianan cu FICC ta agrupa, excepto finansas municipal, Coalition a bisa.
Morgan Stanley a keda cu e di cinco luga den e ranking na consolida su posicion di liderasgo den accionnan, loke ta nifica cu e cinco prome luganan ta den man di banconan Mericano. Na 2015, Morgan Stanley a comparti e di cinco luga cu e Aleman Deutsche Bank.
“E banconan Europeo a tene un rendimento inferior aña pasa, pero nos no ta kere cu esaki lo ripiti,” Amrit Shahani, director di investigacion di Coalition a bisa. “Mester mehora, aunke for di un base abao. Nos ta spera cu e ta mantene y amplia su cuota di mercado e aña aki,” el a añadi.
E banconan grandi di mundo tabata tin un comienso duro di e aña na 2016, debi na e preocupacionnan pa China y e descenso di e prijsnan di materianan prima, a menasa cu baha e mercadonan mundial. Su ingresonan a cay un 15 porciento den e prome seis lunanan, e pio desempeño di ep rome simester desde e crisis financiero di 2008.
Fuente: Reuters