CARACAS, Venezuela – Banco Central di Venezuela ta presenta diaranson seis biyete nobo cu ta conforma cu e cono monetario di e pais, cu ta drenta den circulacion desde dia 15 di December proximo.
Durante un rueda di prensa, presidente di e institucion, Nelson Merentes, a informa cu e cara di e biyetenan ta coresponde na: Francisco de Miranda, riba esun di 500 bolivar, Negro Primero, riba esun di 1000, Cacique Guaicaipuro riba esun di 2000, Luisa Caceres de Arismendi riba esun di 5000, Andres Bello riba esun di 10.000 y Simon Bolivar riba esun di 20.000.
E titular di BCV a indica cu e ampliacion di e cono monetario lo haci mas eficiente e sistema di pago, lo facilita transaccionnan comercial y lo minimalisa e costonan di produccion, reposicion y traslado di e especienan monetario, cu lo wordo traduci na beneficio pa banco, comercio y e pueblo Venezuelano.
E biyetenan nobo lo wordo distribui di manera progresivo pa BCV den su sedenan na Caracas y Maracaibo, estado Zulia y mediante e sistema bancario den henter e pais.
Fuente: Noticiero Venevision