BOGOTA, Colombia – E mayor organisacion cu ta agrupa e pilotonan di Avianca na Colombia y e aerolinea, ta busca pa yega na un acuerdo riba aumento di salario cu ta permiti normalisa operacionnan di compania despues cu e tripulantenan a suspende trabaonan suplementario, e partinan a informa diamars.
E Organisacion di Aviadornan di Avianca (ODEAA) y e aerolinea a acorda siman pasa un proroga pa 20 dia di negociacion, pero e pilotonan a descarta pa awo di bay den un welga cu ta paralisa e operacionnan y perhudica miles di usuario.
“Si no tin areglo directo, e operacion, cero trabao suplementario, lo sigui ilimitadamente, te ora cu e empres balora e trabao suplementario,” presidente di ODEAA Jose Maria James, a bisa Reuters, kende a splica cu e labornan suplementario ta implica bula riba idanan liber, oranan adicional na esunnan estableci y reduci e oranan di vuelo.
James a anuncia cu 750 piloto agrupa na ODEAA, di e 1300 di Avianca, ta busca un nivelacion salarial cu otro aerolinea di America latina pa un copiloto gana entre 4500 y 5000 dollar, cu ta compara na entre 2500 y 3000 dollar actual y un piloto ta ricibi entre 9500 y 11500 dollar, compara cu e 6000 dollar cu nan ta percibi te cu e fecha.
E pilotonan ta sostene cu un reforma tributaria cu ta aproba e Congreso di Colombia na December y cu a cuminsa na maneha pa e aña aki, a reduci nan ingreso.
Avianca a anuncia cu ta mantene su disposicion na dialogo, a ofrece un aumento di 7,25 porciento -superior na e inflacion di 5,75 porciento na 2016- y a descarta e posibilidad di un nivelacion frente otro aerolineanan di e region.
“Nos structura salarial no ta determina di acuerdo di e pais miho paga di e region. Contrario na esaki, tin cu tene cuenta na e capacidad adkisitivo di cada pais unda cu nos ta opera, manera cu ta wordo haci den tur compania global,” Avianca a bisa den un carta dirigi na ODEAA cual Reuters tabata tin acceso na dje.
Avianca Holdings, un di e aerolineanan principal di America Latina, a transporta 29.5 miyon di pasahero na 2016, tin mas di 21 mil empleado y ta atende 105 destino den 28 pais di America y Europa cu 177 avion.
Fuente: Reuters