Cu hopi emocion nos ta cla pa cuminsa diabierna awor nos di 12 Stingray Challenge cual ta un competencia di landamento caminda landadonan di Corsou, Surinam, Merca y Aruba lo bataya contra otro e weekend aki.
Un total di 181 landado lo ta participando den e competencia. Di Corsou nos tin Bulado cu lo ta participando cu 13 atleta, di Merca East Coast Aquatic Club cu 2 atleta, di Suriname Neptunes cu 22 atleta, di Aruba nos lo tin Sports 4 U cu 14 atleta, Aruba Dolphins cu 65 atleta, Swimming Team the Orcas cu 28 atleta y Stingray Swimming Team cu 37 atleta.
E evento lo tuma luga na Piscina Olimpico Roly Bisslik na Savaneta diabierna anochi, diasabra mainta y atardi y lo termina diadomingo.
Landamento ta un deporte caminda pa e ultimo aňa nan Aruba a sa di destaca grandemente den exterior.
Nos kier a bisa danki na nos sponsornan nan cu ta haci e actividad aki posibel: Aruba Bank, New India Assurance, Subway, CIBC First Caribbean International Bank, Johnson Enterprises, SETAR y na e mayornan di nos atletanan.