26-cuerpo bombero
Ultimo tempo diferente lugar ta bentando edificionan bieu abou sin tene cuenta si e dak ta di asbest y e consecuencia cu esaki por tin pa e habitantenan den Bisindario. Eduard di Cuba di Cuerpo di Bombero a splica cu nan a haya e peticion di DOW pa tira un bista na momento di basha un edificio abou. Ta asina cu DOW a haya e ordo pa basha un cas abou y a pidi cuerpo di bombero su asistencia pa asina muha e dak na momento cu ta bashando e cas abou. Door di muha e dak ta evita cu stof di e dak por plama rond. No tabata conoci si si e dak ta contene asbets pero e prefera di tuma medidanan di precaucion. Di tempran cuerpo di bombero a percura pa e dak ta muha ya asina e perosnal di DOW por a cuminsa na baha e dak abou.

Mirando e explosion recien, tin un temor den comunidad. Eduard de Cuba a splica cu enberdad tin hopi dak cu ta contene asbest pero tin hopi tambe cu no tin. Loke por haci ta haci test di un pida di e daknan ya asina sa di antemano ki medidanan pa tuma. Ta depende di kico e resultado ta e ora mester percura pa sigui e proceduranan cu ta rekeri ora di baha un dak di asbest. Di e forma ey ta evita cu e asbest ta plama den aire.