Departamento di Impuesto ta informa cu dia 1 juli 2018, tin algun cambio den e ley di BBO. Den e ley aki a inclui un impuesto nobo cu yama ‘Belasting additionele voorzieningen PPS-projecten’ abrevia como BAVP. Pa e motibo aki e nomber di e ley di BBO awor yama: ‘Landsverordening belasting over bedrijfsomzetten en additionele voorzieningen PPS-projecten’. Pa loke ta e ley ‘Landsverordening bestemmingsheffing AZV’, en corto BAZV, tambe tin algun cambio.
Siguientemente Departamento di Impuesto ta informa encuanto e tarifanan valido pa BBO, BAVP y BAZV entrante 1 di juli 2018.
E tarifa di BBO ta keda 1,5%. Pues pa BBO no tin cambio di tarifa.
E tarifa di BAVP ta 3% y ta valido entrante 1 di juli 2018.
E tarifa di BAZV ta bira 3% entrante 1 di juli 2018. Pues e actual tarifa di 2% ta valido te cu dia 30 di juni 2018.
Calculacion di BBO, BAVP y BAZV
Aki ta sigui un ehempel con pa calcula e BBO, BAVP y BAZV prome cu haci declaracion y pago na Departamento di Impuesto.
Suma total ricibi di benta di producto of servicio den luna di juli 2018 Afl. 2.500
E calculacion di BBO/BAVP y BAZV ta:
– BBO: 1,5% di 2.500 Afl. 37,50
– BAVP: 1,5% di 2.500 Afl. 37,50
– BAZV: 3% di 2.500 Afl. 75 +
Total di BBO, BAVP y BAZV Afl. 150
Pues riba e volumen di benta di juli 2018 di Afl. 2.500 e comerciante mester paga Afl. 150 na Departamento di Impuesto.
Si e comerciante a cobra su cliente en total Afl. 2.650 (2.500+150), e ora e tin cu declara y paga Afl. 159 na Departamento di Impuesto (total di BBO, BAVP y BAZV ta 6% di 2.650) .
Gerencia di Departamento di Impuesto
22 di juni 2018