LAS VEGAS, Nevada – JLo a bise “alma gemela” y Marc… “ruman”, pero tabata tin sunchi: Marc Anthnoy y Jennifer Lopez a presenta hunto diahuebs durante Grammy Latino, desatando tur clase di comentario.
Tur cos a cuminsa cu e tema: “Olvidame y pega la vuelta,” e clasico di Pimpinela, interpreta cu hopi pasion pa ambos. Den algun momento prome, prome cu el a canta e verso “no te pude comprender”, Marc a lanta su schoudernan y el a hari cun’e un tiki.
Ambos tabata pareha pa 10 aña, entre 2004 y 2014. Anthony awo ta cu e modelo Venezolano Shannon de Lima.
E presentacion a sirbi pa JLo entreg’e e premio di Persona di aña durante e gala di Grammy Latino, cual a wordo concedi den un ceremonia priva diaranson.
“Marc, ta un leyenda viviente, cu a bay desnudando su curason y su alma den su lenguahe musical. Compositor, productor y cantante ta un artista magico y puro cu a bay regalando nos clasiconan cu ta keda cu nos pa semper,” JLo a expresa.
“Personalmente, nos propio biahe personal y artistico nos a siña asina hopi, nos a crece tanto y semper lo ta hopi cos den mi bida: mi mentor, un alma gemela, un tata, no solamente un persona di aña, e ta un perosna di henter un bida y pa tur historia,”el a añadi.
“El amor, viva Marc Anthony!”, el a tira su mes prome cu entrega e trofeo. “Sunchi, sunchi, sunchi,” e publico a grita.
Y nan a duna e publico… E publico a lanta riba su pianan. Den e sala di prensa tabata tin aplauso. “Mi conocebo hopi bon, ruman,” el a JLo y el a cambia su semblante. E no a gusta niun tiki.
Fuente: El Nuevo Herald