E siman aki a cuminsa cu e celebracion di cuidado di preso pa cual aki Sra. Kim Maduro ta splica kico tur ta ser haci pa e siman aki pa cu e siman special aki.
Tur aña, ariba e dos diasabra di luna di October, un siman largo ta celebra un sportdag hunto cu Corsou, Suriname, Bonaire y St. Maarten cu ta biaha bin Aruba. Dialuna ta e apertura, diamars a tuma luga tiramento (deporte di tiramento cu arma di candela), y atardi tabata tin e weganan di Mens Erger Je Niet. E ta masha popular na Aruba, pero na e otro paisnan no ta custumbra cu esaki ya cu nan ta hung’e solamente ariba mesa. Diaranson a haya un recorido den KIA, diahuebs lo tin funstackle na Baby Beach, atardi lo tin Karaoke na La Cabana, diabierna ta un dia liber pa nan, unda cu nan mag haci loke nan kier. Diasabra lo tin un misa cu ta cuminsa pa 8 or y 30, y den careda di 10. 15 lo marcha, pasa den caya y lo termina na Plaza Padu.
Actualmente KIA tin falta di personal. Hopi hende ta grita cera e preso, tira e yabi afo. Pero segun Sra. Maduro, esey no ta yuda na nada. E cuidado di preso, como hende, ta carga e peso die preso. E cuidado ta e abogado di e preso, su trahado social.
KIA ariba su mes tin tension, ya cu tin diferente tipo di hendenan cera y bo no sa kico nan background ta. Kico nan a yega di haci y pa kico nan ta cera precisamente. Actualmente ta purbando di draai KIA basa ariba e personal cu nan tin y e personal mas sigur cu nan mes tin, como trahado.
E director actual, Sr. Rocco Tjong, a haci algun cambio cu a resulta hopi positivo na e facilidad. E director suplente, Mayoor Sergio Quandt, tambe ta purbando pa nan por haya mas trahado pero e duracion e opleiding ta hopi largo, cual ta tres aña. Lo mester warda aki tres aña pa un otro grupo di trahado drenta y lo mester sigui draai ariba falta di personal. Pero un opleiding mester tuma luga tres aña ya cu mester wak si e persona ta apto pa drenta y den e tres añanan e por bis cu e no gusta e opleiding, segun Sra. Kimberly Maduro, cuidado di preso na KIA.