Sra. mr. Evelyn Wever- Croes, den su calidad di Formado, a bisa cu pa e siman aki tur cos lo keda cla cu e formacion di un gobierno nobo. E ta amplia mas ariba esaki.
E formacion ta hopi leu, nan no ta completamente cla, pero si hopi avansa y nan ta realmente na e ultimo fase. Ya caba a cuminsa prepara cu e parlamentarionan cu tin cu drenta Parlamento, pa asina algun parlamentario tuma nan retiro y asina bira minister.
Tin hopi rumornan eyfo, cu den MEP lo tin hopi problema, cual Sra. mr. Evelyn Wever- Croes a nenga categoricamente. Nan ta contento cu e resultado di eleccion, e no ta locual cu nan a pidi. SI nan a haya loke nan a pidi, nan lo no ta den negociacion di un coalicion, cual hopi hende tin dolor pa acepta.
Tur cartera ta importante, pero despues di pense hopi bon y yega na palabracion cu otro partidonan, ta bisa cu cualkier partido cu tin cualkier cartera. E ta un coalicion e ta y tur ta traha hunto pa cu esaki. No ta tur hende por asimila, pero kisas door di e esey ta sinti cu tin un malcontento.
Den fin di siman Sra. mr. Evelyn Wever- Croes tabata tin un partijraad caminda a presenta e carteranan, cu e no por divulga ya cu mester informa Gobernador prome. Tin hende ainda no ta contento cu mester cera un coalicion, ta bira dificil pa cierto casonan.
E proceso di screening ta finalisando, ta tumando un tempo pa e proceso aki y nan lo bin cu un minister di Integridad. Loke a pasa den e gobierno anterior, cu e minister di Labor anterior, e prome prueba ta e proceso di screening. E ta tumando su tempo, pero ta kedando cla tambe cu tur cos manera mester ta, segun Sra. mr. Evelyn Wever- Croes, Formado di Gobierno.