LONDON, Inglatera – Celular a converti den un aditamento pa e ser humano, asina hopi cu hopi hende ta bay drumi compaña pa e tecnologia aki. E practica aki a cuminsa na preocupa cientifico y dokternan, ya cu segun varios estudio, por provoca insomnio y otro trastornonan di soño.
‘Mayoria di hende ta bay drumi miho si e camber ta mantene liber di celular y otro dispositivonan electronico,” dr. Guy Meadows, specialista den insomnio den The Sleep School na London, a splica e corant Daily Maill.
E problema primordial cu e celular ta e luz y e briyo cu a sali for di su pantayanan.
Dicho luz ta interferi cu e ritmo natural di e curpa, engañando cu eficacia nos celebro y haciendo nos kere cu ainda ta di dia, segun dokter Charles Czeisler, profesor di medicina di soño den e Universidad di Harvard.
E luz ta stimula e celnan den e retina, e area den e parti posterior di e wowo cu ta transmiti mensahe pa e celebro. E celnan aki, sensibel na luz, ta informa nos curpa ki ora tin,”dr. Meadows ta splica.
E anterior proceso ta controla e liberacion di e hormoon melatonina, cu ta provoca e sensacion di soµo cada biaha cu bira scur.
Tur luz artificial, ya ta bombiyo, computer of di television, ta provoca cu e ta inhibi e liberacion di melatonina y esey, di su banda, tin como resultado insomnio.
Pa desgracia, luz di auto por tin un efecto mas grave ya cu e ta traha di diferente color y otro longitud di onda cu nos tin custumber di wak, profesor Debra Skene, neuroendocrinologo na e Universidad di Surrey, ta splica.
Di e manera aki, luz cu telefon, tablet y kindle ta emiti, ta contene un gran cantidad di blauw. E ta nifica cu e tin un efecto mas stimulante den nos retinanan.
“Nos sa cu debi na un pigment yama melanopsina, e celnan di e retina ta mas sensibel na e luz blauw,” profesor Skene ta aclarea.
E pantaya di television tambe ta emiti e luz blauw, pero e fuente di luz di dispositivonan mobil ta ma cerca di e wowonan.
“Loke ta determina e efecto den e holoshi di nos curpa, ta e briyo, e duracion, e ora di dia y di e distancia di luz,” profesor Skene a bisa.
E experto den soño, dr. Neil Stanley, di e Universidad di Harvard, ta añadi: “cu e fin di obtene un bon nochi di soño, bo tin cu sinti bo mes sigur y no preocupa cu nada. Ora bo tin bo telefon cerca anochi, bo ta inconcientemente bisando cu bo ta desea di wak e telefon.”
Fuente: www.vanidades.com