MIAMI, Florida – Dos persona tin premira pa dal un buelta rond di luna den un siman den 2018 abordo di e nave espacial Dragon, como parti di un iniciativa di e empresa priva Mericano SpaceX cu apoyo di NASA.
SpaceX a precisa cu ta trata di dos persona cu a acudi na e empresa cu dicho interes y cu una bes cu aproba e examennan fisico y medico necesario pa e entrenamento y e biahe, lo bay divulga nan nomber.
Ambos lo ta e unico tripulantenan di Dragon, cu lo despega na 2018 for di e historico plataforma 39A di e compleho di Cape Cañaveral na Florida, e mesun di e lansamento di e misionnan lunar di e programa Apolo.
E programa aki a consisti den 11 vuelo tripula entre 1968 y 1972, incluyendo e biahe cu a hiba Neil Armstrong y Buzz Aldrin den stap riba e superficie lunar pa prome biaha, dia 20 di Juli 1969.
Pa SpaceX, cu sede na California, ta trata di un obhetivo cu ta acerca nan na nan meta di transporta sernan humano pa Marte.
Esaki lo representa un oportunidad pa sernan humano regresa den deep space pa prome biaha den 45 aña y biaha mas y mas pa e sistema solar cu antes,” SpaceX a bisa den un comunicado.
E empresa a señala cu e transbordador espacial Dragon a wordo diseña pa hiba humano y tin ya “un herencia largo di vuelo.”
SpaceX a señala cu e vuelonan aki cu tripulacion priva, alenta door di NASA, lo yuda na reduci a largo plazo e costonan pa Gobierno y mehora e historial di fiabilidad di e misionnan aki.
E buelta rond di Luna lo ta posterior na e otro vuelonan cu e empresa tin planea cu astronautanan di NASA pa e Estacion Espacial Internacional como parti di e Programa di Tripulacion Comercial di e agencia espacial Mericano.
Segun e compania, na final di e aña aki lo realisa un demostracion, den modo automatico y sin tripulacion, como parti di dicho programa, cu e lansamento di EEI di e nave espacial Crew Dragon of Dragon version 2.
Un mision posterior cu tripulacion, ta spera pa bula den e di dos trimester di 2018.
Fuente: El Universal