E transplante a wordo realisa pa ekiponan medico di e Universidad John Hopkins, na Merca. E hoben lo por recupera su funcionnan urinario y sexual casi normalmente.
Un ekipo di e Facultad di Medicina na e Universidad Johns Hopkins a realisa e prome transplante di penis y scrotum, na un soldat herida na Afghanistan. Dia 26 di maart, despues di 14 hora den camber di operación, cu e intervencion di nuebe ciruhando y dos urologo, e pashent, cual nomber no a wordo releva, a spierta cu “e sentimento di ta finalmente mas normal, cu’n nivel di confiansa tambe pasobra cu por fin mi ta bon”, el a declara.
E metodo, alotrasplante compuesto vascularisa, a ricibi e penis, e scrotum (sin testituclo) di y parti di e pared abdominal di un donante cu a fayece. E novedad ta supera otro practica, e resconstruccion di e penis cu tejidonan di otro parti di e curpa, ya cu den e caso aki e pashent lo mester di un protesis, ademas pa por haya un ereccion. Esey kiermen un risico di infeccion mas halto, entre otro inconvenientenan.
E logro ta bin dos aña despues di cu na 2016 a realisa e prome transplante di penis na Merca, na Thomas Manning, di 64 aña, na e General Hospital di Massachusetts. E operación, cu tambe a dura hopi, 15 hora, e permiti compensa e perdida di e penis, pa un forma straño di cancer na 2012.
Pa evalua e éxito di e operación aki mester warda tempo pasa pa verifica cu e pashent no sufri di e rechaso di e tejido transplanta, pa cual ta bebe remedi pa controla e actividad di e sistema inmunologico.
Fuente: INFOBAE