E prome sospechoso den caso di atraco riba Plug Y Play Electronics a cay den man di Atraco Team

0
RBC Juli 2018
ling and sons porciento

For di vocero di polis Sra. Liliana Rasmijn, Minister di Husticia mr. Andin Bikker ta haña informacion cu poco pasa di 10or diasabra nochi Atraco Team a ripara un auto coriendo zig zag na altura di Kamay na Noord. Polis ta duna chauffeur señal pa para, pero dado momento tur dos ocupante a sali na careda for di e auto. Mesora a cuminsa cu persecucion riba e dos personanan aki y atraco team ta logra detene un di nan. Ta trata di un hende homber di nacionalidad Venezolano . Den e auto a haya un tas cu varios cellular y charger. E auto a keda confisca pa mas investigacion. E articulonan ta cuadra cu esunnan cu a horta diasabra na Plug & Play Electronics na Ponton. Por bisa cu den menos di 5 ora e prome sospechoso a keda deteni y no ta descarta cu lo tin mas detencion den e proximo oranan. Di parti Minister di Husticia, mr. Andin Bikker e ta bisa cu diasabra tabata un dia basta dificultoso, pero e bon parti ta cu den apenas cinco ora atraco team tabata exitoso di resolve un di e atraconan cual ta esun di Plug & Play Electronics. E mandatario a felicita e team cu e tremendo trabou. Segun Minister Bikker, lo bay haci un apelacion na Korpschef pa e por intensiva e vigilancia pa extra surveillance riba banconan, joyeria, luganan di lotto y tur otro luga cu tin pertenencia valioso. Mester por trece e siguransa den e dianan di fiesta pa e por bay mas trankil cu ta posibel. Manera ta conoci tin e fondo pa combati criminalidad y lo bay aloca parti di dje pa mehora e vigilancia cu tecnologia riba cierto luganan cu ta considera como vunerabel. Haciendo esaki siguramente lo por bay restaura mas tanto cu ta posibel siguridad di pais Aruba. E tecnologia mester bin specialmente riba luganan cu ta bende Lotto y cu camara por mehora e vigilancia di e establecimentonan aki. Semper e problema tabata fondo pero awor lo bay haci uzo di esey. E caso di atraco na San Nicolas, e victima a bisa cu e la wordo asina gechok cu e no tabata sa ki number pa yama. Cu tecnologia esaki lo bira mucho mas facil y pone botonnan pa alarma cu directamente por comunica cu central di polis. Segun Minister Bikker, esaki nan ta cosnan relativamente facil y cu poco inversion lo por yega na un mehoracion di e siguridad cu pasonan firme. Mester bisa un tremendo trabao di nos polisnan cu a keda atento y asina por a haci e detencion rapido segun Minister Bikker. Cuerpo Policial ta pidi un biaha mas si bo tin informacion yama tiplijn 11141.

Comments

comments

C: Heineken
new india
dvg