E prome dia di Beach Tennis Panamerican Championship ta tras di lomba

0

Prome ronde di e weganan di e di e Panamerican Championship a tuma luga diabierna ultimo, caminda 11 pais den nos region ta batayando pa asina wak ken lo keda cu e titulo maximo. Brasil, kende ta campeon nan ya pa 4 aña consecutivo, a bin bon prepara pa retene nan titulo pero manera semper e otro paisnan manera Venezuela, Aruba, Puerto Rico, Chile, USA, Colombia, Argentina, Bolivia, Ecuador y Bonaire a bin bon prepara pa purba evita esaki pasa.
Weganan a cuminsa di 9or mainta, na Tropicana Beach Tennis Club, den e categoria di hubenil, mixto, dama y cabayero. Diasabra lo tin e di 2 ronde cu lo tuma luga na e mes un lugar y lo cuminsa di 9or di maintatambe. E quarter finals nan lo cuminsa pa 4or di atardi. Diadomingo mainta 10or lo tin e semifinals y pa atardi 6or e final lo tuma luga na Eagle Beach.
Riba combinacion di e potretnan por tuma nota di con e dia a bay.

LEAVE A REPLY

Please enter your comment!
Please enter your name here