AMSTERDAM, Hulanda- E fotografonan Venezolano di e agencia di noticia AFP, Ronaldo Schemidt y Juan Barreto a resulta ganado den e prestigioso certamen el prestigioso certamen World Press Photo 2018 pa nan imagennan durante e manifestacionnan antigubernamental di 2017.
Schemidt a ricibi e premio World Press Photo of the Year pa su imagen di un homber na candela durante un protesta, mientras cu Juan Barreto a ocupa e di tres luga den e categoria di potret/historia di Spot News pa imagennan saca na mes momento cu e mesun manifestante na candela, segun The New York Times.
E imagen ganado, e principal di e prestigioso World Press Photo, a wordo saca aña pasa durante e enfrentamentonan violento entre polis y opositornan di gobierno Venezolano di Nicolas Maduro.
E hurado a afirma cu nan a eligi pa motibo cu e potretnan “ta desencadena un emocion instantaneo”.
“Mi a sinti e candela y mi a reacciona automaticamente. Mi a lanta e camara y mi a cuminsa saca potret di un explosion den cual ami mes no tabata sa kico tabata pasando te un par di seconde despues”, Ronaldo Schemidt a declara na AFP.
Riba e potret ganado por wak un manifestante cu’n mascara di gas y coriendo mientras cu su curpa ta na candela. segun e organisadonan, e hoben a sufri kemaduranan di prome y segundo grado, pero el a sobrevivi.
“E scenario a impresionami hopi. E tabata un sorpresa pa mi ya cu mi no tabata sa cu mi tabata tin full e secuencia di potret”, e fotografo a bisa.
E ganadonan di e premionan a wordo anuncia diahuebs den e World Press Photo Festival na Amsterdam.
E potret di Ronaldo Schemidt a logra tambe e prome premio den e categoria “Spot News” di World Press Photo, cual hurado a controla mas di 73 mil imagen manda door di 4.548 fotografo den 125 pais.
Venezuela en llamas
“E potret di aña mester conta un acontecimento”, e president di hurado, Magdalena Herrera, kende ta directora di fotografia di e revista.“Pero e mester trece preguntanan dilanti tambe”.
“E potret ta bastante simbolico”, un di e shete miembronan di e hurado, Whitney C. Johnson, directora interino di fotografia di National Geographic. “E homber tin un mascara bisti. Ta como sifuera e no ta representa solamente su so, of no cu ta su so ta kimando, sino e idea di un Venezuela na candela”.