Sra. Glenda Hernandez di Departamento di Asunto Social despues di e sinta na mesa y traha un plan cu tur departamento a haci entrega di esaki na gobierno y awor ta di sinta warda wak kico ta bay pasa pa 2018 mirando cu e problemanan aki ta cada dia mas grandi.
Durante e reunion a papia ariba e problemanan cu ta pasando aki na Aruba. Ta haya casonan di violencia domestico, cu ta wak cu e ta escalando. Ta wak tambe casonan di morto di dos hobencito. Segun Sra. Hernandez, e tin 1 aña na Aruba y e ta wak cu cosnan ta bayendo formalmetne for di man. Esaki den sentido cu tin un crecemento di e ultimo 20 aña ariba tereno turistico y di economia, pero loke ta wak cu e populacion a redobla. Aruba a haya hopi migrante cu a bin e isla. Aruba ta hopi yen, pero e parti di tereno social, e tereno huridico, e no a crece. Al contrario, nan a haya juist hopi recortenan riba nan presupuesto. Por bisa cu tur e organisacionnan subsidia, ta wak cu a bin hopi recorte fuerte ariba e terenonan ey. Ariba tereno economico, cosnan ta bayendo bon, pero ariba tereno social, cosnan a keda atras. Ta papiando di un termino di 20 aña. Ta wak hopi file cu ta mustra cu tin un desbalansa ariba tereno social. Tin cierto cosnan cu mester bay pasa, segun Sra. Glenda Hernandez di Departamento di Asuntonan Social.
A base di e sucedido cu e dos hobencitonan aki, a reuni cu minister di Asuntonan Social y a dicidi di bin cu un plan. Un plan di riesgonan cu tin pa cu hoben y muchanan. Nan ta wak cosnan pasando den sociedad. Departamento di Asuntonan Social, ta pone tur e puntonan di riesgonan cu nan ta mira, na scol, den sociedad, na cas di e mama, den famia grandi. Nan ta mira hopi riesgo ariba diferente luga unda cu e hoben y e mucha ta biba y ta hunga, e prome cos cu nan ta haci ta wak e analisis, unda e luganan ta y e riesgonan cu tin. E por ta tambe na un club, na scol, na iglesia. E por ta hopi caminda. Departamento di Asuntonan social ta wak cierto strategianan cu ta haci cu e mucha y e hoben ta sigur. A base di esey a bin cu un crisis plan ta contene 10 medida cu Departamento di Asuntonan Social kier pa gobierno tuma y nan a haci esaki tambe. Tin enfoke ariba dienst, ariba e dienstnan cu ta traha, ariba enfoke ariba comunidad y nivel di gobierno (Conseho di Minister).
Ariba nivel di dienst, e departamentonan cu ta traha hunto, ora cu ta wak cu tin famianan di risico halto, cu ta target. Esey kiermen kico ta e riesgo di e persona cu ta drenta y inmediatamente un director mester pak esaki aan cu tur e instancianan relevante. Bin cu un solucion al instante. Si esaki no logra, mester bay minister. Esey ta algo cu a traha hopi bon na Hulanda, caminda cu el a traha. E ta un manera cu un trahado, na un nivel mas abao, un trahado social no por pasa door di e bareranan cu tin, ta uza e ora e “opschalingsmodel” toch pa trata di forsa cierto decisionnan cu mester wordo tuma pa actua, bo ta wak kico ta e decision pa wordo tuma, pa un plaso largo, segun Sra. Glenda Hernandez, directora di Departamento di Asuntonan Social.