Horcan “Matthew” ta acercando dialuna na e paisnan densamente pobla di Haiti y Jamaica, cu bientonan potente cu ta menasa construccionnan precario y awasero fuerte cu por provoca deslave y inundacionnan.
A medida cu “Matthew” ta desplasa pa nort, autoridadnan di ambos pais ta purba afanosamente pa protehe edificacion y evacua e poblacion.
Tras di alcansa diabierna e categoria 5, maximo riba e escala di Saffir-Simpson, “Matthew” a debilita diadomingo pero ta sigui ta un horcan peligroso di categoria 4, e mas potente ciclon den Caribe desde e pasashi di Felix na 2007.
Pa 9’or di mainta, e wowo di “Matthew” a wordo ubica 470 kilometer zuidoost di Port Au prince, cu bientonan maximo sosteni di 232 kilometer pa ora, alehando for di e costanan Caribeño di Colombia y Venezuela.
Ta spera cu pa dialuna, e pasa entre Haiti y Jamaica, causando precitipacionnan fuerte den e region.
E lo sigui rumbo nort, azotando oost di Cuba entre dialuna y diamars, na caminda pa Bahamas.
Pronosticonan ta indica cu “Matthew” lo provoca entre 40 y 60 centimeter di awasero zuid di Haiti y incluso mas di 100 centimento den zonanan puntual.
“E precipitacionnan aki probablemente lo por produci inundacionnan subito y deslave,” CNH a adverti.
Fuente: NTN24