MERCA – E megasekianan, periodo di secura severo cu por dura decada, por yega na ta algo comun den e parti zuidwest di Merca si no reduci e emosionnan di gas di Greenhouse Effect cu ta provoca e cambio climatico, segun un estudio publica diaranson pa e revista “Science Advances.”
Investigadonan a determina cu solamente un aumento di e temperatura regional por incrementa e riesgo di megasekia riba 70%, 90% of 99% pa final di e siglo aki, en funcion cu si e precipitacionnan crece moderadamente, no cambia of baha respectivamente.
Si e calentamento regional ta mantene bao di dos grado centigrado, riesgo di megasekia por mantene bao di 66%, segun e estudio aki.
“E resultadonan ta apoya e idea c e strategianan pa frena e cambio climatico, manera mayor reduccion di emision, ta critico pa reduci e riesgofuturo di megasekianan,” e trabao ta indica.
Di e manera aki, si e emisionnan di gas di e Greenhouse Effect, ta mantene na nivelnan actual por pone na riesgo zuidwest di Merca di sufri megasekianan, un fenomeno “extremadamente raro historicamente.”
Por contrario, ta reduci e emisionnan global di gas di Greenhouse Effect, por, segun e estudio, reduci e riesgo di megasekianan den e zona ey di Merca cu mita.
Un megasekia zuidwest di Merca den e decadanan cu ta bin lo impone “un stress sin precedente den e recursonan di awa di e region,” e trabao ta alerta.
“Ta calcula e probabilidad di un megasekia bao di diferente scenario di cambio climatico, ta critico pa evalua efectivamente e riesgo y maneha e recursonan di awa,” e documento ta agrega.
E investigacion, un trabao conhunto di varios universidad, a efectua cu un modelo hidroclimatico regional cu tin na cuenta e humedad di tera y specificamente e ekilibrio entre humanidad di tera riba e superficie como respuesta na e cambionan, tanto riba e temperatura como riba e cantidad di awasero.
Fuente: NTN24