Sra. mr. Evelyn Wever- Croes a splica kico ta e proximo pasonan, ya cu e negociacionnan a keda cla.
Den curso di diahuebs lo tin e proceso di retiro, pa e procedura di e parlamentarionan nobo cuminsa encamina y den oranan di mainta nan ta huramenta. Ora cu nan caba di huramenta, den oranan di atardi, pa 5 or, e ministernan lo huramenta.
Pa diabierna e traspaso di Bestuurskantoor lo tuma luga y nan lo tin un miho bista di loke tin of loke no tin. Den fin di siman tin hopi trabao pa haci, pa percura pa dialuna lo tin un gobierno pa funciona. Lo tin un gobierno y tur lo bin hunto, pa defini kico ta e prioridadnan.
Den e ultimo 5 simannan, Sra. mr. Evelyn Wever- Croes tabata tin varios reunion cu e gremionan. Pero di tur informacion cu el a haya, e situacion financiero ta uno hopi, hopi serio y no ta algo cu e minister di Finanza so lo atende, pero ta algo cu tur mester atende hunto. E ta un punto cu mas y mas prioridad pa atende cun’e. Y despues ariba cada minister su lista, ta bin tur e puntonan cu ta bay di tur e reunionnan cu Sra. mr. Evelyn Wever- Croes a atende.
Pa loke ta Sr. Glenbert Croes, su input tabata hopi ariba e refineria, pero como Minister di Labor, Sr. Croes, unda el esforsa su mes na crea cuponan di trabao pa nos hendenan local, segun Sra. mr. Evelyn Wever- Croes.
E coalicion ta ‘staat en val’ cu su parlamento, y como un parlamento relativamente di hendenan nobo, lo mester un persona cu experiencia pa yuda guia e parlamento. Sr. Hendrik Tevreden ta e unico cu tin poco mas experiencia. Sr. Rocco Tjon lo bira lider di fraccion pa partido MEP.