E Forza Nobo di Otmar Oduber y PDR di Andin Bikker ta uni pa e eleccion 2017 pa por yega e asientonan necesario pa asina por drenta gobierno y cuminsa hiba Aruba dilanti manera mester ta… basa riba e eleccion di 2013 door di uni forsa nan por garantisa un minimo di 4 asiento den e siguiente eleccion.” segun Parlamentario Andin Bikker.
A ripara cu ora haya unidad, por trece cambionan drastico pa loke ta e sistema electoral y e resultado di eleccion, e Parlamentario a splica. A ripara cu si busca un acercento y unidad cu e plataforma di Oduber, tin mas chens pa hunto yega na varios mas asiento. Si wak cu nan dos nan total so ta representa 2 asiento plus un restzetel y cu por combina forsa pa bin cu un lista uni, esaki lo bay haci un cambio drastico pa e resultado di eleccion 2017.
Pa eleccion 2017, den e proximo dianan lo delinea un sistema via un protocol, wak con ta bay combina e forsnan pa presenta un lista uni pa e eleccio 2017. Segun bikker, lob ay tin un lidersgo comparti y mester focus kico kier logra. Mirando e pasion pa guia un Aruba uni, a haci cu a uni forsa. Unico mandato cu tin ta pa continua cu deliberacion cu e plataforma di Otmar Oduber. Ta concentra awo loke tin riba mesa. Esey ta bay wak si por concretisa, e Parlamentario a comenta durante un rueda di prensa cu a tuma luga awe mainta.