Dia 8 di Maart a yega, pero e lucha ta sigui. Dia Internacional di Hende Muhe 2018 ta tuma luga den un momento cu e mobilisacion femenino pa igualdad di genero y contra di acoso sexual, violencia y discriminacion, e.o., nunca tabata asina fuerte. Un ehempel di destaca e campaña #MeToo y Time’s Up, promociona tambe pa streanan di Hollywood. Nos ta probecha pa recorda e hechonan y curiosidadnan riba e origen di e fecha y rindi homenahe na muhenan fuerte cu a duna ehempel y a haci historia.
1.Trabao den fabrica
Na comienso di siglo 19, muhenan a cuminsa drenta e mercado laboral cu mas frecuencia, mas cu tur, den fabricanan construi durante e Revolucion Industrial.
2. Lucha historico
Na 1875, mas di 120 trahado di un fabrica di textiel na New York, Merca, a wordo kima bibo pa welga. E hefenan a cera e muhenan y a cende e luga na candela.
3. Pa nan derecho
Nan tabata exigi un salario igual cu e hende homber, un reducion di nan horanan di trabao, cu e tempo ey tabata yega 16 ora diario y zwangerschapverlof.
4. Principio del movimiento
E sucedido tragico aki (nr.3) tabata un di e promenan cu a provoca un serie di movimento di lucha pa e derecho femenino na mundo.
5. Otra tragedia
Otro hecho historico tabata e candela den e fabrica Triangle Shirtwaist, na New York, na 1911, caminda cu mas di 140 persona a muri, den nan mayoria hende muhe.
6. Condicionnan di trabao malo
E acontecimento a pone cu hende muhenan a cuminsa protesta contra di e condicionnan laboral malo. Esaki, y otro hechonan dramatico, relaciona cu morto di trahadonan femenino durante e orario laboral, a provoca un ola di manifestacionnan.
7. Enfrentamento
E manifestacionnan na fabor di un mehoracion di e condicionnan y derechonan laboral igualitario a cumisna na Europa y no a gana peso rond mundo te cu sigo 20.
8. Empoderamento
E prome Dia Internacional di e Hende Muhe a celebra 28 Februari 1909, na Merca, riba iniciativa di e Partido Socialista di Merca.
9. Gran mobilisacion
Dia 28 Februari 1909, mas di 15 mil muhe a sali riba caya pa exigi oranan di trabao husto y derecho di voto.
10. Movimento creciente rond mundo
Na 1911, riba 19 Maart, e Dia Internacional di Hende Muhe, a conta cu e mobilisacion di mas di un miyon persona, na Austria, Dinamarca, Alemania y Suiza.
11. Fecha oficial
Na comienzo di 1975, ONU a marca 8 Maart como Dia Internacional di Hende Muhe. E obhetivo di e fecha ta recorda e lucha social, politico y economico di hende muhe.
12. Reconocimento
E ta una fecha reconoci na mas di 25 pais, incluyendo China, Vietnam, Uganda, Afghanistan, Cuba y Rusia.
13. Vosnan uni
E acoso sexual, violencia y discriminacion contra di hende muhe ta pan di cada dia den medionan di comunicación. Afortunadamente, e tendencia na fabor di cambio ta cada biaha mas fuerte, segun ONU.
14. #MeToo
E movimento #MeToo, na Merca, a sigui tambe den otro paisnan manera Mexico, Spaña y America Latina, segun ONU Women.
15. Union
Dia 8 Maart ta reuni activistanan rond mundo y UN Women ta probecha e ocasion pa celebra dos logro obteni, tuma medida y transforma e bida di e hende muhe rond mundo, segun e agencia di Nacionnan Uni.
Fuente: https://www.msn.com