KATMANDU, Nepal- E caracteristica mas famoso di Mount Everest a colapsa, posiblemente haciendo e pico di mas halto di mundo, mas dificil pa Alpinistranan.
Segun Alpinistanan, e Hillary Step lo por a cay despues di e teremoto devastador di Nepal na 2015.
E pico casi vertical di 12 m (39 pia) tabata na e cumbre zuid oost y tabata e pico mas dificil pa escala.
Ela wordo nombra pa Sir Edmund Hillary, cu tabata e prome Alpinista pa escala e pico aki na 1953.
E Alpinista Britanico Tim Mosedale a confirma e noticia riba su pagina di Facebook, yegando e punto mas halto dia 16 di Mei. Segun Mosedale, e perdida di e pico aki, ta e fin di un era.
Na 2016 potretnan poni online door di e American Himalayan Foundation parce di tabata mustra cu e forma di e Hillary Step lo ta cambiando.
Pero door di sneeuw cu tabata tapa e pico, esaki tabata dificil pa bisa, pero e aña aki, cu menos sneeuw, tabata cla cu e Step ya no tabata tey mas.
“Kisas ta gravedad, pero mi ta sospecha cu e teremoto di 2015 tabata e causa”, segun Mosedale.
Fuente: www.bbc.com