DALLAS, Texas – Un mama a denuncia cu e y su yiu homber a wordo “trata manera cacho” den e aeropuerto di Dallas e siman aki, durante un revision di siguridad, caminda cu e menor a wordo samina pa autoridadnan durante casi dos minuut, den un escena graba pa e mama cu rapidamente a alcansa miyones di reproduccion riba rednan social.
Jennifer Williamson a splica cu el a solicita unr evision alternativa, ya cu Aaron, su yiu homber, ta sufri di desorden di procesamento sensorial cu ta afecta e forma cu e ta ricibi estimulonan cu ta rodeanan. Sin embargo, autoridadnan a realisa un extensivo revision riba e menor, kende tabata tin pañanan di verano, pa loke tabata tin poco pa sconde.
Sin embargo, autoridadnan a argumenta cu e procedimento a wordo realisa despues di a ricibi un alerta pa un computer personal di un di e pasaheronan. Ademas, nan a admiti cu nan a retene e involucradonan pa “aproximadamente 45 minuut.”
Di su banda, Williamson a describi e situacion como “un fierno” y a pidi comparti e video pa discuto e tarea di e agentenan di siguridad di aeropuerto. “Mi kier laga algo hopi cla. E no a desata ningun alarma, el a pasa door di e metaldetectornan sin problema” el a indica.
Posteriormente, despues di a conoce e argumento di e autoridadnan, el a expresa cu e laptop di e mucha no tabata tin ningun menasa y cu e unico detaye ta cu e tabata dentro di su rugtas y no a bay apart, manera den ocasion controlnan ta pidi.
E mama a agrega cu Aaron, kende a coopera den tur momento, a keda den shock pa e situacion y ainda oranan despeus e tabata puntra su mes kico el a haci pa ricibi tal trato y a wordo escolta pa oficialnan. Ademas, el a indica cu nan a wordo “deliberadamente” impedi di aborda e avion y a caba biahando na su destino den un otro vuelo.
E muhe no a aclarea edad di e mnor ni e procedencia of destino di e vuelo. For di siman pasa, pasaheronan cu ta biaha pa Merca of Reino Uni, desde algun vuelo proveniente di paisnan mayormente di Medio Oriente y nort di Africa, no por tin den nan handbag nan laptop, tablet, weganan electronico ni otro aparato.
Fuente: http://www.infobae.com