MERCA – Hopi di Merca tabata incapas pa imagina un Presidente Trump, te ora cu e magnate a tuma over e stage diaranson mainta tempran na New York, pa declara victoria den e eleccion presidencial di 2016. “The Simpsons”, sin embargo, a predici un Presidente Trump ya caba for di 2000, ora cu Fox a pasa un episodio titula “Bart to the Future.”
Den un episodio inusualmente profetico, Bart Simpson ta wordo mustra un vision di su bida den e edad di 30. E mucha malcria a crece den un musico sin exito, kende ta wordo critica durante un show straño cu el a boek.
Pa loke ta su ruman muhe Lisa, sinembargo, e futuro ta hopi briyante. El a bin ta bira e comandante en hefe di Merca of, manera cu e ta prefera di describi, “e prome presidente femenino real di Merca.” E unico problema? Lisa ta ocupando un oficina Oval, recientemente ocupa pa ex presidente Trump.
E episodio ta mustra un bista riba e efectonan di un presidencia di Trump riba Merca. Lisa a hereda “un presupuesto mahos for di Presidente Trump.” Su conseheronan a inform’e cu e iniciativanan di Trump “a crea un generacion di supercriminalnan extra fuerte.” De facto, e pais ta asina den un precancia cu e mester a “presta for di cada pais na mundo.”
Mas na principio di añam e escritor di e episodio, Dan Greaney, a declara cu el a pinta “Bart to the Future,” como un “advertencia na Merca.” Pero awo cu Donald Trump a bira oficialmente e di 45 presidente electo, y nos ta full for di e teritorio di advertencia, ta spera cu e efectonan di mundo real di un Presidente Trump den Cas Blanco, ta mas miho cu esunnan proyecta pa “The Simpsons.”
Fuente: www.cbsnews.com