PARIS, Francia – Si, awe nochi, mira e shelo lo bo wak un luna yen mas grandi y luminoso den shelo. E astro lo ta mas cerca di tera, ofreciendo un espectaculo inedito den casi 70 aña.
“E observadornan lo bay tin e impresion cu e Luna ta gigante,” Pascal Descamps, di e Observatorio di Paris ta splica.
Lo bay tin un “superluna”: e fase di Luna yen cu ta coincidi casi du e momento caminda cu e astro, cual orbita ta eliptico, lo bay ta mas cerca posibel di Tera. Pesey e lo parce mas grandi y briyante di lo normal.
E luna lo alcansa su perigeo, e punto mas proximo di tera pa 11’or y 22 di tera y lo ta yen pa 1’or y 52 di merdia. Anochi esaki lo ta bisto desde tur parti di mundo.
“Un superluna por ta hasta un 14% mas grandi y un 30% mas luminoso cu un luna yen den su apogeo (e punto di su orbita mas separa di Tera), segun Nasa.
Tin un “superluna” cada aña y 48 dia, pero “algun ta mas super cu otro”, e astronomo Frances a aclarea.
Dialuna e lo ta solamente 356509 kilometer di Tera (e distancia promedio lo ta 384.400 kilometer). “Tin cu recorda cu dia 26 di Januari, 1948 pa tin un superluna cual distancia for di Tera lo ta inferior,” Pascal Descamps a splica. Y lo tin cu warda pa dia 25 di November di 2034 pa luna lo ta mas cerca di nos.
E biaha aki el a wordo bautisa como “e extra superluna!” Un acumulacion di nomber uza pa Nasa.
Fuente: RCN Noticias