MEXICO/MERCA- A traves di un audio por scucha e drama di famianan inmigrante na e frontera cu Mexico. Mas di e dos mil menornan cu a wordo ranca for di nan famia ta pidi pa nan mayornan no wordo deporta.
Sin embargo, mei mei di un escena devastador, e trahadonan di e patruya fronteriso incluso ta haci jokenan, manera “aki nos tin un orkesta”.
Esaki ta e drama den cual varios famia ta encontra nan mes den e ultimo seis simannan, den e zona fronteriso, door di e consecuencianan di e politica di e presidente Donald Trump. El a impone cargonan federal na esun cu crusa e frontera di manera ilegal. Esaki a wordo rechasa pa ONU, organisacion cu a alerta ariba e stress toxico na cual e muchanan ta wordo exponi.
“E historia di e muchanan, algun di nan simplemente separa di nan mayornan mientras nan ta busca siguridad na Merca, ta desgarrador. E muchanan, sin importa di unda nan ta bin, of cual ta nan status migratorio, prome cu tur cos, nan ta keda mucha”, según e vocero di UNICEF, Christophe Boulifrac.
https://www.youtube.com/watch?v=F9_ObAuLwtw