Pa di 15 aña e club di landamento Aruba Dolphins lo organisa un di e competencianan di landamento mas prestigioso na Aruba esta e Dolphins Invitational. Mester bisa cu cantidad grandi di landadonan procedente di Corsou, Surinam, Colombia, Argentina, St Maarten, Boneiro, Trinidad and Tobago y Aruba lo midi forsa contra otro e weekend aki.
Nos prospectonan hubenil preparando pa e competencianan grandi internacional manera Flory Kock, Elisabeth Timmer, Anahi Schreuders, Keeley Maduro Brandon Cheong y otronan tambe lo forma parti di e evento aki. Ya pa varios aña nos atletanan di landamento ta reconoci como un di esunnan mas cu ta sobresali den e region di Caribe y cada bes ta trece hopi premio bek cas. Aruba mester ta orguyoso di e prestacion di nos atletanan di landamento.
Un danki sigur na Lotto, e Loteria di Aruba pa medio di Comision di Subsidio a yuda subisdia e di 15 edicion di e Aruba Dolphins Invitational.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.