E crisis grandi den turismo

0

SPUIT  11 (van Dale: persona cu ta laga sa cu e tambe t’ey, aunke e no sa net nada di e asunto) Richard  Arends, ta  produci  lodo  y  lo  sa  di  tur  asunto  cu   ta  trata  turismo.

E coleganan  capaz  y   apto  di AVP  y  POR
Despues cu algun siman pasa tabata Joselin Croes, e brains, e sesonan nobo di E Forsa Nobo/POR, kende a bay mete den turismo, siman pasá tabata su colega y su futuro partner den coalicion Richard Arends, kende awor aki, na aña 2017 ainda, ta cana rond den su sapatonan suède, y kende sa exactamente na ki manera AVP y POR lo bay scapa y salba turismo despues di dia 22 di september proximo!

Turismo  medico
Richard Arends, nos suède minister, vivaz y cu briyo, di Asuntonan Economico, ta wak posibilidadnan pa salba nos economia cu ta fayando y cu no kier crece ni kiko bo haci y no obstante nos economia berde, nos economia di conocimento (“kennis”-economie) y nos economia di hub (“hub”-economie).
Y unda Richard ta weita e posibilidadnan ey?
Wel, den e desaroyo di turismo medico!
No lubida cu nos mester por spera hopi mas cos bunita di e Richard aki, pasobra e sa di no menos cu 5 pilar nobo cu lo pone economia di Aruba crece cu 30% na aña 2018; e pilarnan ey ta 1). e industria creativo (bo mag rei kiko e kier meen cu esey, pasobra e mes no ta duna un splicacion), 2). logistica (no por nenga cu akiden Aruba ta cana na prome lugar!), 3). tecnologia (ta berdad cu Aruba sa tur cos riba e tereno aki), 4). actividadnan turistico (cu esaki ta bayendo atras cu pasonan gigante, Richard no a realisa ainda), y 5). turismo medico.
OH boy, oh boy! Dios spaar Aruba cu un fracaso di un minister asina despues di dia 22 di september 2017!
“E hospital nobo y moderno di Aruba tin tur posibilidad pa contribui na nos economia”, ta locual nos suède minister Arends ta bisa. Y esaki e por haci door di promove turismo medico, ofrece programanan medico atractivo, y door di atrae profesionalnan kendenan lo por ensancha y extende nos conocimento riba tereno medico.
Wak, esaki nos ta yama: “Blah – Blah”. Maneho y economia di blah, blah, blah!
Esey ta un maneho tipico, producto di e imaginacion di Richard Arends.
No, Richard, si bo kier crea turismo medico, lo bo mester planea esey hopi bon, y pues for di un comienzo!  Y no como un idea cu ta nace despues, un “afterthought”.
Bo kier sa con Cayman Island a hacié? Ate aki!
Asumiendo cu – como un di e “doorsnee”-Arubianonan (Arubiano averahe) – lo bo sa di comprende Ingles, lo mi laga e relato manera “Caribbean Journal” a publiké:

Health City Hospital Cayman Island (source/fuente): Caribbean Journal)
Health City Cayman Island is celebrating three years since it opened its doors. In that time, the hospital has treated more than 29,000 patients, has done 19.000 plus procedures and surgeries (including orthopedic and cardiac) on patients from 60 countries, and has seen an annual growth rate of 55 percent in patients from abroad.
Health City became the first hospital in the English-speaking Caribbean to use robotic navigation for joint replacements and the first to install two artificial hearts or left ventricle assist devices.
Other Caribbean firsts include performing transcatheter aortic valve replacements or implantations; minimally invasive clot extraction for strokes, which dramatically improves post-stroke outcomes; and renal denervation, a minimally invasive procedure using radiofrequency ablation to treat resistant hypertension.

“I am amazingly pleased with my care,” said an emergency cardiac patient.  “The model here is what the U.S. healthcare system is striving to.”

“A big reason we came here was because it was 10 times more affordable than the States,” said Álvaro Jiménez, from Guatemala, after the hospital saved his three-month old son. “They made everything much easier or more human”.

“Over the past year we’ve been rapidly increasing how many specialties we offer, and so we’ve also seen a big increase in the number of patients coming to us”, Dr. Abraham said, adding that Health City’s future goals include expanding accommodation at the East End campus, increasing its range of medical services and getting young Caymanians interested in science.

Mester  planea  delanta,  y  pro-activamente!
Wak, Richard; ta asina ey bo mester hacié!
Na Cayman Island e Health City Hospital a ser planifica delanta y cu hopi cautela. NO tabata trata di un idea cu a nace den retrospecto, pues un idea cu a bini te na ultimo; ta bon y hopi planificacion e cos aki ta rekeri! E tin NADA di haci tampoco cu programanan medico educativo, of cu cualkier di e nombernan sin contenido cu bo ta inventa.
Lesa esaki bon: “Health City” a planea cu masha cuidao cua ta e operacionnan y e tratamentonan cu nan kier ofrece internacionalmente; di acuerdo cu esey nan a regula y a determina nan diseño di e hospital; pa esey nan a contratá e mihor profesionalnan, y nan ta prepara y educa nan propio ciudadanonan di Cayman Island den e tratamentonan ey.
Esey ta planificacion!
Esey no ta (lagami bisa e cos aki na Hulandes, pasobra por ta cu e ora ey lo bo comprende e expresionnan aki mihor) “gelul, geklets, gezwam”, of disparate manda den aire, despues di e hecho, puro blah-blah-blah, “gebakken lucht “.
Tipicamente maneho à la AVP. No ta asina Mike Eman ta haci tambe?
No bisami!…ta di dje bo a siña? Awor mi ta comprende! ……Tur esaki ta e acostumbrado “gezwam” pa e eleccionnan di dia 22 di september proximo, esta haci propaganda pa e manera con boso ta bay laga economia crece na aña 2018.
Bunita promesanan na e votadornan; promesanan cu ta bay para na nada, pues cu no ta ser cumplí, promesanan cu ta keda na promesanan so!

Remigio A. R . Wever
Ex- director ATA
Eventual reaccionnan semper ta bonbini via mi e-mail:
[email protected]