Aunke e marcador mas importante di e falta di hero sea anemia, e problema aki tin mas consecuencia cu merece e pena pa conoce.
Si bo ta kere cu bo por ta consumiendo menos cantidad di e nutriente aki, nos ta recomendabo pa bo pone atencion na e siguiente sintomanan.
E falta di hero ta un problema mundial
Miyones di persona ta padece falta di e nutriente aki, vooral den paisnan den vianan di desaroyo y na Europa Occidental, debi na un consumo poco eficiente.
Nos no mester desestima e falta di hero pasobra e tin consecuencianan nefasto pa nos salud.
Entre su multiple funcionnan, e elemento aki ta permiti e hemoglobina funciona di forma corecto y aporta oxigeno na tur e celnan.
Hero ta fundamental pa salud y con ta haya den poco cantidad den nos curpa, ta necesario obten’e atrabes di e alimentonan y vooral den un dieet ekilibra y varia.
Ta existi dos tipo di hero:
E prome ta e hemo, di origen animal y cu ta absorbe facilmente.
E di dos ta e no hemo, cu ta di origen vegetal y cual absorcion ta menor. Pa e motibo aki hopi vegetariano of vegan, ta pacede di anemia.
Otro di e tareanan di hero ta:
Participa den e produccion di substancianan di sanger.
Interveni den e sintesis di ADN.
Forma parti di e proceso di respiracion celular.
Yuda den e mantenimento di e sistema inmunitario.
Manera cu esey no ta suficiente, ademas, e componente aki ta participa den hopi reaccion kimica y ta vital den e produccion y liberacion di energia.
Pa sa si nos tin falta di hero, nos por realisa un analisis di sanger:
E balornan normal den hende homber adulto ta di 80 pa 180 ug/dl.
Den muhenan adulto di 60 pa 160 ug/dl.
Den mucha homber di 50 pa 120 ug/dl.
En baby menor di 1 aña entre 100 y 250 ug/dl.
Si, por contrario, nivelnan ta superior na medio cu por debe na enfermedadnan manera:
Hemocromatosis
Hepatitis
Anemia hemolitica
Intoxicacion door di hero.
Tambe, den algun circunstancianan puntual e balornan por descende:
Embaraso
Desnutricion
Cancer
Perdida cronico di sanger
Hipermenorrea cronico.
Consecuencia di falta di hero
Nos mester pone atencion na cierto señalnan cu nos curpa ta manda pa alerta nos cu e falta di e nutriente esencial aki.
Si bo ta padece varios di e sintomanan aki, ta bon pa bo consulta cu un dokter y haci un analisis di sanger:
1.Debilidad y cansancio
Sin importa e oranan cu bo drumi of e momentonan di dia cu bo ta descansa, semper bo ta sin gana y sin forsa. Ta costabo hopi pa bo lanta mainta y bo ta keda drumi den cualkier luga.
Mas leu di e exigencianan actual, tambe e debilidad aki of cansansio, por ta causa pa un falta di hero.
Y cu e elemento aki ta permiti e transporte di oxigeno den bo celnan, si falta, e tehidonan no ta ricibi “combustibel” y e funcionamento ta faya.
Un menor vitalidad y un cansancio extremo pa actividadnan di impacto abao, por ta relaciona cu e falta di hero.
2. Rendimento abao y mal beis
E falta di nutriente ta repercuta di manera directo cu nos estadonan emocional. P’esey ta normal cu nos ta demasiado irita, deprimi of di mal beis. Ademas, si na esey nos ta suma e cansancio, e consecuencia ta comprensibel ta comprensibel: problemanan pa traha, den estudio of den tareanan habitual.
Presta atencion si ultimamente “tur ta cay malo” y bo no por concentra den bo actividadnan.
E falta di hero ta influencia negativamente den e memoria y den atencion. Tur loke bo purba di haci lo costa dobel di e esfuerso y lo bo perde motivacion rapidamente, hasta cu tareanan cu bo gusta.
3. Bleek
Ora bo tin anemia, ta probablemente cu e cuero ta mas bleek of blanco cu normal. Esey ta debi cu tanto den e dermis como den e mucosonan tin tehido cu no ta ricibiendo e suficiente cantidad di oxigeno.
Algun persona por presenta e color blanco bao di e wowonan (unda e wimpernan ta nace).
4. Mareo y nausea
Un di e consecuencianan di e falta di hero ta y e deficit den e cantidad di oxigeno cu e celnan ta ricibi ta sinti continuamente marea.
Ademas, por experimenta e sensacion cu falta di aire door di purba hala rosea y cu e inhalacionnan ta mas rapido y frecuente (polipnea).
Den casonan mas grave, personanan cu no ta consumie e cantidad suficiente di e nutriente aki, por cay flauw y desvanece den cualkier mmento di dia, presenta zummento den e oido of padece di lipotimia.
5. Palpitacion
Batimento rapido di curason cu ta keda produci ora cu nos no ta haciendo ningun esfuerso of ehercicio por ta relaciona cu esaki.
Ora cu e sanger no ta circula den bon condicion, e sistema cardiaco mester realisa mayor esfuerso pa pomp di regreso na cada organo.
Ademas por presenta takicardia, aritmia of hasta atake pisa di miocardio.
6. Fragilidad di huña y caida di cabey
Ora cu e huñanan ta kibra cu facilidad, ta presenta poco diki of por mira e marcanan blanco cerca di e cuticula por ta debi na e falta di hero.
Den e caso di caida di cabey, ta debe cu e sanger ta yega cabes cu poco oxigenacion y no ta nutri e foliculonan capilar.
Fuente: www.mejorconsalud.com