Ta un custumber cu pa algun aña caba cu dos evento grandi ta topa. Nos ta refiriendo aki di Mercado Santa Rosa y Interpaso.
Tur hende por corda con exitoso Mercado Santa Rosa ta na momento cu pueblo tende cu nos ta organisa un mercado sea na Santa Rosa mes of un otro localidad. Semper nos bishitantenan ta duna respaldo na e yamada aki y na sa di yega di tur banda pa asina bishita nos mercado pa pasa un dia ameno den famia y saboria un of otro plato. Sin papia mes di productonan fresco cubo ta haya den nos mercado solamente.
Un biaha mas esaki ta wordo organisa e aña aki conhuntamente cu Interpaso 2016. Fecha di e evento grandi aki ta dianan 4 y 5 di November ta e Interpaso mes cu ta consisti di competencianan di cabay di paso y diadomingo 6 di November ta e combinacion di Interpaso 2016 y Mercado Santa Rosa. For di 10’or di mainta ta cuminsa cu Mercado Santa Rosa sigui pa atardi e competencia di Interpaso 2016.
E biaha aki tambe e parti cu hopi hende ta gusta ta e competencia di Carne y Cabrito tey un biaha mas. Pa e motibo aki ta haci un apealcion na tur esnan cu kier of ta interesa pa participa den e competencia aki tuma bon nota cu nos ta cu for di diasabra awo 15 di October tin inscripcion pa e competencia aki di Carne y Cabrito na Villa Floralina for di 7’or di anochi. Prijs pa Carne of Cabrito ta AWG. 15,- pa cabes. Na moment cubo haci e pago lo bo ricibi di biaha tambe e reglanan di participacion y tur otro rekisito cu mester tene na cuenta. Pa e dia aki lo tin representantenan di Organisacion Caballista Arubano (OCA) y tambe representantenan di Santa Rosa pa asina tuma e participacion dibo ehemplar cu ta sea Carne of Cabrito pa e competencia. E competencia ta wordo poni den cuater categoria. Cabrito Crioyo y Cabrito di Rasa. Carne Crioyo y Carne di Rasa.
No lubida competencia di Carne y Cabrito pa loke ta trata Interpaso 2016 conhuntamente cu Mercado Santa Rosa na Villa Floralina diadomingo 6 di November cuminsando for di 10’or di mainta.